ကျွန်းစု၊ ၁၂ ဒီဇင်ဘာ
တနင်္သာရီတိုင်းဒေသကြီး၊ ကျွန်းစုမြို့နယ်တွင် မြို့မြေကွက် စိစစ်ဖော်ထုတ်ရေး ကော်မတီမှ အိမ်ရာမဲ့ ပြည်သူများအား မြေကွက်ချထားပေးနိုင်ရေးအတွက် ဒီဇင်ဘာ ၁၂ ရက်နေ့ နံနက် ၈ နာရီက ကွင်းဆင်းစစ်ဆေးခဲ့ကြောင်း သိရသည်။
စစ်ဆေးရာတွင် မြို့မြေကွက် စိစစ်ဖော်ထုတ်ရေး ကော်မတီဥက္ကဋ္ဌ မြို့နယ်စည်ပင်သာယာရေးအဖွဲ့ အမှုဆောင်အရာရှိ ဦးထွန်းထွန်းဦး၊ မြို့မြေကွက် စိစစ်ဖော်ထုတ်ရေး ကော်မတီ၊ အတွင်းရေးမှူး မြို့နယ်လယ်ယာမြေ စီမံခန့်ခွဲရေးနှင့် စာရင်းအင်းဦးစီးဌာန၊ မြို့နယ်ဦးစီးမှူး ဦးခင်မောင်ဆွေနှင့် ဌာနဆိုင်ရာများ၊ ရပ်ကွက်အုပ်ချုပ်ရေးမှူးများနှင့် တာဝန်ရှိသူများက မြေအကွက်အမှတ်(၂/ခ)၊ အမှတ် - ၂ ရပ်ကွက် (အနောက်) ရှိ အိမ်ရာမြေအသစ် တိုးချဲ့ဖော်ထုတ်ထားသော မြေနေရာကို ကျွန်းစုမြို့နယ်ရှိ အိမ်ရာမဲ့ပြည်သူများအား မြေကွက်ချထားပေးနိုင်ရေးအတွက် ကွင်းဆင်းဆောင်ရွက်ခဲ့ကြောင်း သိရသည်။
စည်သူရအောင်(ကျွန်းစု ပြန်/ဆက်)
