ကျွန်းစု မတ် ၁၈
တနင်္သာရီတိုင်းဒေသကြီး၊ ကျွန်းစုမြို့နယ်တွင် အသက်(၁၈)နှစ် ပြည့်ပြီး ကာကွယ်ဆေး မထိုးနှံရသေးသူများအား မတ် ၁၈ ရက် နံနက်ပိုင်းက မြို့နယ်မိုးလုံလေလုံ အားကစားခန်းမ၊ ကဘင်းချောင်းကျေးရွာ၊ ကတ္တလူကျေးရွာနှင့် ကံမော်ကျေးရွာတို့၌ ကိုဗစ် - ၁၉ ရောဂါကာကွယ်ဆေး ထိုးနှံပေးလျက်ရှိကြောင်း သိရသည်။
ကျွန်းစုမြို့နယ်တွင် လူဦးရေ(၁၂၆၀၀) အတွက် ကိုဗစ် - ၁၉ ရောဂါကာကွယ်ဆေး (COVAXIN) ရရှိခဲ့ရာ မြို့နယ်အတွင်းရှိ အသက်(၁၈)နှစ်ပြည့်ပြီး ကာကွယ်ဆေး မထိုးနှံရသေးသူများအား မြို့နယ်ကျန်းမာရေးဦးစီး ဌာနမှူး ဒေါက်တာရဲမင်းဦးနှင့် ကျန်းမာရေး ဝန်ထမ်းများက ကျန်းမာရေးဝန်ကြီးဌာန၏ ညွှန်ကြားချက်များနှင့် အညီ သတ်မှတ်နေရာများ၌ ပထမအကြိမ် ကိုဗစ် - ၁၉ ရောဂါ ကာကွယ်ဆေးထိုးနှံပေးလျက်ရှိကြောင်း သိရသည်။
စည်သူရအောင်(ကျွန်းစု)