မေ ၉
ကွန်ဂိုဒီမိုကရက်တစ်သမ္မတနိုင်ငံတွင် ရေကြီးရေလျှံမှုများဖြစ်ပွားမှုများကြောင့် သေဆုံးသူဦးရေ ၄၀၀ အထက်ရှိလာသဖြင့် အသက်ရှင်ကျန်ရစ်သူများသည် ဝမ်းနည်းပူဆွေးသောကရောက်နေကြောင်း သိရသည်။
အဆိုပါရေကြီးရေလျှံမှုသည် နိုင်ငံ၏သမိုင်းတွင် လူအသေအပျောက်အများဆုံးဖြစ်သော သဘာဝဘေးကြီးဖြစ်သည်။
မေလ ၄ ရက်နေ့က နိုင်ငံအတွင်း မိုးသည်းထန်စွာရွာသွန်းခဲ့မှုကြောင့် ရေကြီးရေလျှံမှုများဖြစ်ပွားခဲ့သည်။
တောင်ကီဗူပြည်နယ်တွင် မြစ်ကမ်းပါးများပြိုကျခဲ့ကြောင်း မီဒီယာများတွင် ဖော်ပြထားသည်။
ရုတ်တရက်မြေပြိုမှုများကြောင့် လူနေအိမ်များနှင့် စာသင်ကျောင်းများ ပျက်စီးသွားခဲ့သည်။
လူပေါင်းရာနှင့်ချီ၍ ပျောက်ဆုံးနေဆဲဖြစ်သည်။ ကုလသမဂ္ဂကျွမ်းကျင်သူများက ရာသီဥတုပြောင်းလဲမှုသည် အာဖရိကတွင် မိုးများမကြာခဏဆိုသလို ပိုမိုရွာသွန်းစေသည်။
အိမ်နီးချင်း ရဝမ်ဒါနှင့် ယုဂန္ဓာနိုင်ငံတို့တွင်လည်း မိုးသည်းထန်စွာရွာသွန်းသဖြင့် ရေကြီးရေလျှံမှုနှင့် မြေပြိုမှုများဖြစ်ပွားခဲ့ရာ လူ ၁၃၀ သေဆုံးခဲ့သည်။
ကိုးကား-အင်န်အိတ်ချ်ကေ
ဘာသာပြန်-မြင့်မြင့်ချို
