ကံမ ၊ ၁၅ ဒီဇင်ဘာ
မကွေးတိုင်းဒေသကြီး၊ သရက်ခရိုင်၊ ကံမမြို့ အမှတ်(၁)ရပ်ကွက် မြို့မလမ်းသွယ်(၁)လမ်းအား မြေသားလမ်းအဖြစ်မှ ကွန်ကရစ်လမ်းအဖြစ် မြို့နယ်စည်ပင် သာယာရေးအဖွဲ့မှ အဆင့်မြှင့်တင် ဆောင်ရွက်လျက်ရှိရာ မြို့နယ်စည်ပင်သာယာရေး ကော်မတီဥက္က ဦးမြင့်စိုးနှင့် အမှုဆောင်အရာရှိ ဦးမြင့်လှိုင်တို့က ယနေ့ နံနက် ၉ နာရီတွင် ကွင်းဆင်းစစ်ဆေးခဲ့ကြသည်။
အဆိုပါဆောင်ရွက်နေသော ကွန်ကရစ်လမ်းမှာ ၂၀၂၀-၂၀၂၁ ဘဏ္ဍာရေးနှစ် မြို့နယ် စည်ပင်သာယာရေးအဖွဲ့၏ ငွေလုံးငွေရင်း အသုံးစရိတ်ရန်ပုံငွေမှ ငွေကျပ် ၆၅ သိန်း ဖြင့် လမ်းအကျယ် ၁၂ ပေ၊ အရှည်ပေ ၃၀၀ နှင့်အနက်ထု ၈ လက်မအား ဆောင်ရွက်ခဲ့ခြင်းဖြစ်ကြောင်း ကံမမြို့နယ်စည်ပင်သာယာရေးအဖွဲထံမှ သိရသည်။
ကျော်ဇေယျဝင်း(ကံမ)
