လားရှိုး ၁၃ မတ်
နယ်စပ်ရေးရာဝန်ကြီးဌာန ၊ ပညာရေးနှင့်လေ့ကျင့်ရေးဦးစီးဌာန ၊ ရှမ်းပြည်နယ် လားရှိုးခရိုင်ရုံးကွပ်ကဲမှု အောက်ရှိ (လားရှိုးမြို့) ၊ အမျိုးသမီးအိမ်တွင်းမှု သက်မွေးလုပ်ငန်း ပညာသင်တန်းကျောင်း အဆင့်မြင့် အိမ်တွင်းမှု စက်ချုပ်သင်တန်းအမှတ်စဉ် (၁) သင်တန်းဆင်းပွဲ အခမ်းအနားကို ယနေ့နံနက်(ဝ၈:၃၀) နာရီတွင် သင်တန်းကျောင်းခန်းမ၌ ကျင်းပရာ ပြည်နယ်ဒုတိယအထွေထွေ အုပ်ချုပ်ရေးဦးစီးဌာန ၊ ပြည်နယ်ဒုတိယ အုပ်ချုပ်ရေးမှူး ၊ ဦးကျော်သူဇော်မှ တက်ရောက်၍ သင်တန်းဆင်း အမှာစကား ပြောကြားသည်။
သင်တန်းတွင် အမျိုးသမီးငယ်များကိုကျောင်းအိပ် ၊ ကျောင်းစားစရိတ်ငြိမ်းဖြင့် သင်ကြား ပေးလျက်ရှိကြောင်း၊ သင်ထောက်ကူပစ္စည်း အစုံအလင်ထောက်ပံ့ပေးပြီး စာတွေ့လက်တွေ့သင်ကြား ပေးလျက်ရှိပါကြောင်း ၊ သင်တန်းပြီးဆုံးပါက တပိုင်တနိုင် လုပ်ကိုင်နိုင်ရန် အပ်ချုပ်စက်များကို အရစ်ကျ စနစ်ဖြင့် ရောင်းချပေးလျက်ရှိကြောင်း ၊ သင်တန်းကျောင်းအနေဖြင့် ယနေ့အချိန်ထိ အခြေခံအိမ်တွင်းမှု သင်တန်း ပြီးဆုံးသူ( ၃၇၉၅) ဦး အဆင့်မြင့်စက်ချုပ်သင်တန်း ပြီးဆုံးသူ ( ၈၀၆ ) ဦး ၊စုစုပေါင်း (၄၇၁၁) ဦးအနက်မှ ကိုယ်ပိုင်အသက်မွေးဝမ်းကြောင်းပြုနိုင်သူ (၂၄၁၇) ဦး ရှိကြောင်း ရှင်းလင်းပြောကြားပြီး အခမ်းအနား တက်ရောက်လာသူများက သင်တန်းဆင်းသင်တန်းသူများ၏ အဝတ်အထည် ၊ လက်မှုလက်ရာများ ခင်းကျင်းပြသထားမှုများကို ကြည့်ရှုကြသည်။
အဆိုပါသင်တန်းတွင် အဆင့်မြင့်အိမ်တွင်းမှု စက်ချုပ်သင်တန်းသူ(၅၀)ဦး တက်ရောက်သင်ကြားခဲ့ပြီး သင်တန်းကာလမှာ ရက်သတ္တ(၁၈)ပတ် ကြာမြင့်ခဲ့ကြောင်းနှင့် သင်တန်းဆင်းပွဲကို လားရှိုးမြို့ရှိ ဌာနဆိုင်ရာအသီးသီးမှ တာဝန်ရှိသူများ၊ သင်တန်းဆရာမများ၊ သင်တန်းသူများ တက်ရောက် ခဲ့ကြကြောင်း သိရှိရသည်။
ဟန်ဌေး(လားရှိုး)
