လောက်ကိုင် ၂၈ ဇူလိုင်
ရှမ်းပြည်နယ် မြောက်ပိုင်း ကိုးကန့်ကိုယ်ပိုင်အုပ်ချုပ်ခွင့်ရဒေသ၊ လောက်ကိုင်မြို့နယ် အမှတ်(၁)ရပ်ကွက်၊ ဂေါက်ကွင်းဟောင်း ဧရိယာ အစပ်၌ ဇူလိုင်လ ၁၆ ရက် က မိုးသည်းထန်စွာ ရွာသွန်းမှုကြောင့် မြေပြိုမှုဖြစ်ပွားခဲ့သည့် အိမ်ထောင်စုများသို့ ထောက်ပံ့ပစ္စည်းများ ပေးအပ်ခဲ့ကြသည်။
ထိုသို့ထောက်ပံ့ပေးရာတွင် ဇူလိုင်လ ၂၃ ရက်က မြို့နယ် ဘေးအန္တရာယ်ဆိုင်ရာ စီမံခန့်ခွဲမှု ဦးစီးဌာနက မြေပြိုမှုဖြစ်ပွားခဲ့သည့် အိမ်တစ်အိမ်အတွက် ကျပ်တစ်သိန်း၊ မြေပြိုမှုဖြစ်ပွားခဲ့သည့် လူဦးရေ ၄၃ ဦးအတွက် ကယ်ဆယ်ရေးပစ္စည်း (၂၂)မျိုး၊ ဆန်ရိက္ခာအတွက် ကျပ် ၉၀၃၀၀ ကို ထောက်ပံ့ပေးအပ်ခဲ့သည်။
ထို့နောက် ကိုးကန့်ကိုယ်ပိုင်အုပ်ချုပ်ခွင့်ရဒေသ ၊ ဦးစီးအဖွဲ့က ဇူလိုင် ၂၆ ရက်နေ့တွင် မြေပြိုမှုဖြစ်ပွားခဲ့သည့် ပြောင်းရွှေ့အိမ်ထောင်စု(၁၁)စု၊ လူဦးရေ ၄၃ ဦးအတွက် တစ်ဦးလျှင် ဆန် ၄ ပြည်နှုန်း ထောက်ပံ့ပေးအပ်ခဲ့ကြောင်း သိရသည်။
ဇော်ဇော်အောင်(ပြန်/ဆက်)
