လှိုင်းဘွဲ ၁၈ အောက်တိုဘာ
သီတင်းကျွတ်ကျောင်းပိတ်ရက်အားလပ်နေသော ကျောင်းသားကျောင်းသူများအားကာယ၊ ဉာဏစွမ်းရည်များတိုးတက်လာစေရေးအတွက် မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာန (Community Centre)ခန်းမ၌ ယမန်နေ့နေ့လည်ပိုင်းကပြိုင်ပွဲများ ကျင်းပခဲ့သည်။
ကျောင်းသားကျောင်းသူများအား ဉာဏစွမ်းရည်တိုးတက်လာစေရေးအတွက် ပုံပြင်ပြောပြိုင်ပွဲ၊ ဉာဏ်စမ်းပဟေဠိပြိုင်များအား လည်းကောင်း၊ ကာယစွမ်းရည်တိုးတက်လာစေရေးအတွက် ဇွန်းကိုက်ဘောလုံးသယ်ပြိုင်ပွဲ၊ ဘောလုံးမှုတ်ပြိုင်ပွဲများအားလည်း ကောင်းကျင်းပပေးခဲ့ပြီး အအေးနှင့်မုန့်များ ကျွေးမွေးခဲ့သည်။
အဆိုပါ ကျောင်းသားကျောင်းသူလေးများကို အားလပ်ချိန်များအား အကျိုးရှိစွာ အသုံးချတတ်လာစေရန်၊ တစ်ဦးနှင့်တစ်ဦးပိုမိုရင်းနှီးမှုများရှိလာစေရန်၊ ပူးပေါင်းပါဝင်ဆောင်ရွက် တတ်သည့် အလေ့အကျင့်များရရှိလာစေရန်နှင့် စာကြည့်တိုက်နှင့် ရင်နှီးကျွမ်းဝင်မှုများ ရရှိလာစေရန် ရည်ရွယ်ချက်များဖြင့် ကျင်းပပြုလုပ်ခြင်း ဖြစ်ကြောင်း သိရှိရသည်။
ခင်စန်းမြင့်(ပြန်/ဆက်)
