လှိုင်သာယာ ၆ သြဂုတ်
ရန်ကုန်တိုင်းဒေသကြီး၊ မြောက်ပိုင်းခရိုင်၊ လှိုင်သာယာ(အနောက်ပိုင်း)မြို့နယ် ကုလားကြီးစုကျေးရွာရှိ ရွှေဘိုလမ်း၊ အမှတ်(၁၈)ရပ်ကွက်ရှိ အောင်ဆန်းသူရိယလမ်း၊ သခင်ဖိုးလှကြီး(၂)လမ်းတို့တွင် မိုးတွင်းကာလ သွားလာရေး အဆင်ပြေစေရန်နှင့် လမ်းများပေါ်တွင် ရေကြီးရေလျှံမှု မဖြစ်ပေါ်စေရန် ကွန်ကရစ်လမ်းခင်းခြင်း ဆောင်ရွက်လျက်ရှိရာ မြေသားပြုပြင်ခြင်းလုပ်ငန်း ဆောင်ရွက်နေမှုနှင့် ကွန်ကရစ်ခင်း ဆောင်ရွက်ပြီးစီးမှုအား ယမန်နေ့ မွန်းလွဲပိုင်းက လှိုင်သာယာမြို့နယ် အမှတ်(၂)တိုင်းဒေသကြီး လွှတ်တော်ကိုယ်စားလှယ် ဦးမြတ်မင်းသူ၊ မြို့နယ် ရပ်/ကျေး အလုပ်အမှုဆောင်များနှင့် သက်ဆိုင်ရာတာဝန်ရှိသူများက ရေရှည်ခိုင်ခံ့မှုရှိစေရေး ကွင်းဆင်းကြည့်ရှုခဲ့ကြသည်။
ထိုသို့ လမ်းများအဆင့်မြှင့် ဆောင်ရွက်ရန် လှိုင်သာယာမြို့နယ် လွှတ်တော်ကိုယ်စားလှယ်များက တင်ပြခဲ့ခြင်းဖြစ်ပြီး တိုင်းဒေသကြီးအစိုးရ၏ စီမံဆောင်ရွက်ပေးမှုဖြင့် ၂၀၁၉−၂၀၂၀ တိုင်းဒေသကြီးဘတ်ဂျက်ဖြင့် လှိုင်သာယာ(အနောက်ပိုင်း)မြို့နယ် ကုလားကြီးစုကျေးရွာရှိ ရွှေဘိုလမ်း ကွန်ကရစ်ခင်းခြင်းဆောင်ရွက်ရန် မြေသားပြုပြင်ဆောင်ရွက်နေမှု၊ အမှတ်(၁၈)ရပ်ကွက်ရှိ အောင်ဆန်းသူရိယလမ်း ကွန်ကရစ်ခင်း ဆောင်ရွက်ပြီးစီးမှုနှင့် သခင်ဖိုးလှကြီး(၂)လမ်း ကွန်ကရစ်ခင်းဆောင်ရွက်ရန် မြေသားပြုပြင်ခြင်းလုပ်ငန်း ဆောင်ရွက်နေမှု အခြေအနေများအား ကွင်းဆင်းကြည့်ရှုခဲ့ကြကြောင်း သိရှိရသည်။
မြသန္တာဝင်း(ပြန်/ဆက်)
