လပွတ္တာ ဖေဖော်ဝါရီ ၂
ဧရာဝတီတိုင်းဒေသကြီး လပွတ္တာမြို့နယ် ၃ မိုင်မြို့ရှိ ခရိုင်မီးသတ် ဦးစီးမှူးရုံးတွင် ဇန်နဝါရီ ၂၉ရက်မှစ၍ ဖွင့်လှစ်သင်ကြားလျက်ရှိသည့် ခရိုင်အတွင်းရှိ မီးသတ်တပ်ဖွဲ့ဝင်များ ရှာဖွေကယ်ဆယ်ရေး (မွမ်းမံ)သင်တန်းကို ဆက်လက်သင်ကြား လေ့ကျင့်လျက်ရှိကြောင်း သိရသည်။
အဆိုပါသင်တန်းကို ဇန်နဝါရီ ၂၉ ရက်မှ ဖေဖော်ဝါရီ ၂၃ ရက်အထိ ဖွင့်လှစ်ခြင်းဖြစ်ပြီး လပွတ္တာခရိုင်အတွင်းရှိ လပွတ္တာနှင့် မော်လမြိုင် ကျွန်းမြို့နယ်များမှ မီးသတ်တပ်ဖွဲ့ဝင် သင်တန်းသား ၅၀ ဖြင့် ကြံ့ခိုင်ရေးလေ့ကျင့်ခန်း၊ ကြိုးချည်နည်း၊ ရေတွင်းအသက်ကယ်ဆယ်နည်း၊ မျောက်ကူးနည်းစနစ်၊ ပက်လက်ကူးနည်းစနစ်၊ ရှဉ့်ကူးနည်း စနစ်၊ နှစ်ယောက်တွဲကြိုးဆင်းခြင်း၊ ဇောက်ထိုးဆင်းခြင်း၊ ခုန်ဆင်းနည်းစနစ်များ သင်ကြားပို့ချလျက်ရှိကြောင်း သိရသည်။
ခရိုင်(ပြန်/ဆက်)
