မကွေး ၁၃ ဒီဇင်ဘာ
မကွေးတိုင်းဒေသကြီး မကွေးတက္ကသိုလ်တွင် ဒီဇင်ဘာ ၁၄ ရက်မှ ၁၆ ရက်အထိ ကျင်းပမည့် လူငယ်ဘက်စုံဖွံ့ဖြိုးရေးပွဲတော် (မကွေး) ဖွင့်ပွဲအခမ်းအနား အစမ်းလေ့ကျင့် နေမှုများကို ယနေ့နံနက် ၉ နာရီ တွင် မကွေးတက္ကသိုလ် ဘွဲ့နှင်းသဘင် ခမ်းမရှေ့၌ ကျင်းပပြုလုပ်ရာ မကွေးတိုင်းဒေသကြီးအစိုးရအဖွဲ့ဝန်ကြီးချုပ် ဒေါက်တာအောင်မိုးညို၊ ပြန်ကြားရေးဝန်ကြီးဌာန ဒုတိယဝန်ကြီး ဦးအောင်လှထွန်း၊ တိုင်းဒေသကြီး အစိုးရအဖွဲ့ဝင် ဝန်ကြီးများနှင့် တာဝန်ရှိသူများ ကြည့်ရှုစစ်ဆေးသည်။
တိုင်းဒေသကြီးဝန်ကြီးချုပ်ဒေါက်တာအောင်မိုးညို၊ ဒုတိယဝန်ကြီး ဦးအောင်လှထွန်း၊ တိုင်းဒေသကြီး ဝန်ကြီးများနှင့် တာဝန်ရှိသူများသည် ဘွဲ့နှင်းသဘင်ခန်းမရှေ့၌ ပြုလုပ်မည့် ဖွင့်ပွဲအခမ်းအနားအတွက် ဖဲကြိုးဖြတ်ရန် အစမ်းလေ့ကျင့်နေမှုများ၊ ဘွဲ့နှင်းသဘင်ခန်းမ အတွင်း ကျင်းပပြုလုပ်မည့် ဖျော်ဖြေရေးအစီစဉ်များ၊ ထူးချွန်လူငယ်မောင်မယ်များအား ဆုချီးမြှင့်ရန် ဇာတ်တိုက်လေ့ကျင့်နေမှုများနှင့် ပွဲတော်အတွင်းပြသမည့်ပြခန်းများ ခင်းကျင်း ပြသထားမှုများကို ကြည့်ရှုစစ်ဆေးခဲ့ကြသည်။
ဝေလျှံ
