ကော့ကရိတ် ၂၃ အောက်တိုဘာ
ကရင်ပြည်နယ်၊ ကော့ကရိတ်မြို့ ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ လူထုအခြေပြုဗဟိုဌာနတွင် ယမန်နေ့မွန်းလွဲ ၁ နာရီက ကျောင်းသားကျောင်းသူလေးများကို ဉာဏ်ရည်ဉာဏ်သွေး တိုးတက်စေရေးအတွက် ပြိုင်ပွဲနှင့်ကစားပွဲများ ကျင်းပရာ ခရိုင်ပြန်/ဆက် ဉီးစီးဌာန ဦးစီးမှူးဒေါ်ခင်မျိုး၀င်းက ကျောင်းသားကျောင်းသူလေးများအနေဖြင့် စာဖတ်ရှိန်မြှင့်တင်လာရေးနှင့် စာကြည့်တိုက်ကို အသုံးချတတ်စေရေး၊ အပြောစွမ်းရည် တိုးတက်စေရေးနှင့် စုပေါင်းဆောင်ရွက်တတ်စေရေးအတွက် ပြိုင်ပွဲ ကစားပွဲများ ပြုလုပ်ဆောင်ရွက်ပေးခြင်းဖြစ်ကြောင်း ပြောကြားသည်။
ထိုနောက် ပြိုင်ပွဲများကျင်းပရာ ကျောင်းသားကျောင်းသူလေးများကို “ချိုသာစွာပြောသော ကြက်တူရွေး”ပုံပြင်စာအုပ်၊ “ဗလကြီးသောတောကြက်မ” ပုံပြင်စာအုပ်များကို ပုံပြောပြိုင်ခြင်း၊ အက္ခရာစာလုံးနှင့် အရုပ်တွဲဂိမ်းပြိုင်ခြင်း၊ ခါးလှည့်ကွင်းကစားပြိုင်ခြင်းတို့ကို ဆောင်ရွက်ခဲ့ကြပြီး ဌာနမှ အမှတ်တရလက်ဆောင်များ ချီးမြှင့်ပေးခဲ့ကြောင်း သိရသည်။
ခင်မျိုးဝင်း(ခရိုင်ပြန်/ဆက်)
