လယ်ဝေးမြို့နယ်အတွင်း လေပြင်းတိုက်ခတ်မှုကြောင့် ထိခိုက်ပျက်စီးခဲ့သည့် အိမ်ထောင်စုများအား ငွေကျပ် ၁၃၅ သိန်းတန်ဖိုးရှိ ယာယီတဲမိုးကာ ၇၁၀ ခုလာရောက်လှူဒါန်း

လယ်ဝေး ဧပြီ ၂၆

နေပြည်တော်၊ လယ်ဝေးမြို့နယ်ရှိ အောင်မြင်ကုန်းကျေးရွာနှင့် တံတားဦးကျေးရွာမှ လေးဘေးသင့် ပြည်သူများအတွက် ယာယီတဲမိုးကာများ လာရောက်လှူဒါန်းခြင်းကို ယနေ့ နံနက်ပိုင်းက လယ်ဝေးမြို့နယ် အထွေထွေအုပ်ချုပ်ရေးဦးစီးဌာနရုံးတွင် ပြုလုပ်ခဲ့သည်။

အောင်မြင်ကုန်းကျေးရွာနှင့် တံတားဦးကျေးရွာများမှ လေဘေးသင့်ပြည်သူများအတွက် ငွေကျပ် ၁၃၅ သိန်းတန်ဖိုးရှိ ၁၂ ပေ × ၁၅ ပေ မိုးကာ ၁၀၀ ခု၊ ၉ ပေ × ၁၅ ပေ မိုးကာ ၆၁၀ ခု နှင့် ဘုန်းတော်ကြီး ကျောင်းများအတွက် မြက်ခင်းတုကော်ဇောများကို Myanmar YAO Mandalay Co.Ltd မှ တာဝန်ရှိသူ တစ်ဦးကလှူဒါန်းရာ မြို့နယ်အုပ်ချုပ်ရေးမှူး ဦးမြင့်ဆောင်က လက်ခံရယူခဲ့ပြီး လှူဒါန်းပွဲအပြီးတွင် ကျေးရွာများအရောက် သွားရောက်၍ ထောက်ပံ့ပေးအပ်ခဲ့ကြောင်း သိရသည်။

ဝေကြည်(ပြန်/ဆက်)