မအူပင် ၂၀ ဇွန်
ဧရာဝတီတိုင်းဒေသကြီး မအူပင်ခရိုင် မအူပင်မြို့နယ် ငါးကြီးဂရက်ဘက်စုံနည်း ပညာသုံး စံပြ ကျေးရွာ တောင်သူ ဦးချစ်တင်၏လယ်မြေ ၁၀ ဧကတွင် သစ်စိမ်းမြေသြဇာ(ပိုက်ဆံလျော်) စံကွက်ရိတ်သိမ်းခြင်း နှင့်ထယ်ထိုး၊ထွန်မွှေ၊မြေမြုပ်ခြင်းကို ယနေ့ နံနက်ပိုင်းက ဆောင်ရွက်ခဲ့သည်။
၂၀၂၀ ခုနှစ် မြေဆီလွှာဖွံဖြိုးတိုးတက်ရေးအတွက် သစ်စိမ်းမြေသြဇာ(ပိုက်ဆံလျော်)ဧက ၂၆၀ စိုက်ပျိုးခဲ့သည်။ မိုးစပါးမြေဆီလွှာဖွံဖြိုးရေးအတွက် အောင်မြင်ဖြစ်ထွန်းနေသော သစ်စိမ်းမြေသြဇာ (ပိုက်ဆံ လျော်) စိုက်ခင်းအား ထယ်ထိုးခြင်း၊ ထွန်မွှေခြင်း၊ မြေမြုပ်ခြင်းလုပ်ငန်းများကို မအူပင်မြို့နယ် စိုက်ပျိုးရေး ဦးစီးဌာနမြို့နယ်ဥွီးစီးမှူး ဦးသာအေး ဦးဆောင်သော ဝန်ထမ်းများက ထိုကျေးရွာ ရှိလယ်မြေဧက (၁၀)ဧကတွင် သစ်စိမ်းမြေသြဇာ (ပိုက်ဆံလျော်)စံကွက်ရိတ်သိမ်းခဲ့ရာ(၅.၈၈)တန်နှုန်းထွက်ရှိခဲ့ပြီး ထယ်ထိုး၊ ထွန်မွှေ၊ မြေမြုပ်ခြင်းလုပ်ငန်းများ ဆောင်ရွက်ခဲ့ကြောင်း သိရသည်။
အဆိုပါ စံကွက်ရိတ်သိမ်းရာသို့ မြို့နယ်အုပ်ချုပ်ရေးမှူး ဦးဝင်းဆန်း၊ ခရိုင်စိုက်ပျိုးရေးဦးစီးဌာန ခရိုင်ဦးစီးမှူး ဦးသိန်းသန်းအောင် နှင့်တာဝန်ရှိသူများ၊တောင်သူများတက်ရောက်ခဲ့ကြောင်းသိရသည်။
ကျော်ဆန်းမြင့်
