နေပြည်တော် ၂၁ ဧပြီ
မူးယစ်တပ်ဖွဲ့စု(၂) မြစ်ကြီးနားမှ တပ်ဖွဲ့ဝင်များပါဝင်သော ပူးပေါင်းအဖွဲ့သည် ဧပြီ ၂၀ ရက် နံနက် ၁၀ နာရီက မြစ်ကြီးနားမြို့နယ်၊ တီယန်ဇွပ်ကျေးရွာနေ မင်းဇော်နှင့် မအားကိုင်တို့၏နေအိမ်ကိုရှာဖွေရာ ဘိန်းဖြူ ၅၁ ဂရမ်နှင့် စိတ်ကြွရူးသွပ် ဆေး ၁,၄၆၃ ပြားတို့ကို သိမ်းဆည်းရမိခဲ့သည်။
အလားတူ ယင်းနေ့ညနေ ၄ နာရီက မူးယစ်တပ်ဖွဲ့စု(၂၄)လားရှိုးမှ တပ်ဖွဲ့ဝင်များပါဝင်သော ပူးပေါင်းအဖွဲ့သည် နောင်ချိုမြို့အဝင်၊ မူဆယ်-မန္တလေးသွားကားလမ်း၊ မိုင်တိုင်အမှတ်(၈၀/၄)အနီး၌ ခရီးသည်တင် မော်တော်ယာဉ်ကို ရှာဖွေရာ ခရီးသည် မအားမိန်း(ခ)မရန်အားမိန်း၏ လွယ်အိတ်အ တွင်းမှ စိတ်ကြွ ရူးသွပ်ဆေးပြား ၁၈,ဝ၀ဝ၊ ၎င်းအနီးရှိ ကြွပ်ကြွပ်အိတ်အတွင်းမှ စိတ်ကြွရူးသွပ်ဆေးပြား ၁၂,ဝ၀ဝ၊ ငွေကျပ် ၅၀ဝ၀ဝ နှင့် လက်ကိုင်ဖုန်းတစ်လုံးတို့ကို လည်းကောင်း သိမ်းဆည်းရမိခဲ့သည်။
ထို့အတူ မွန်းလွဲ ၂ နာရီခွဲက မူးယစ်တပ်ဖွဲ့စု(၂၆)ပင်လောင်းမှ တပ်ဖွဲ့ဝင်များပါဝင်သော ပူးပေါင်းအဖွဲ့သည် ဖယ်ခုံမြို့နယ်၊ ကုံးဆုံကျေးရွာနေ ခွန်သန်းလွင်၏နေအိမ်ကိုရှာဖွေရာ စိတ်ကြွရူးသွပ်ဆေးပြား ၃၉၀ သိမ်းဆည်းရမိခဲ့ပြီး ဆက်လက်၍ ကုံးဆုံကျေးရွာအုပ်စု၊ ပူချယ်ကျေးရွာနေ မနန်းအောင်၏နေအိမ်ကိုရှာဖွေရာ စိတ်ကြွရူးသွပ်ဆေးပြား ၄,ဝ၀ဝ သိမ်းဆည်းရမိခဲ့၍ ၎င်းတို့အား မူးယစ်ဆေးဝါးနှင့်စိတ်ကိုပြောင်းလဲစေသော ဆေးဝါးများဆိုင်ရာဥပဒေအရ အရေးယူထားကြောင်း ရဲပြန်ကြားမှ သိရသည်။
MDN
