မြောက်ဦးမြို့ ရှေးဟောင်းယဉ်ကျေးမှု နယ်မြေရှိ သမိုင်းဝင်လက်ဆည်ကန် တံတိုင်းနှင့် အနီး ပတ်ဝန်းကျင်အား စုပေါင်းသန့်ရှင်းရေး ပြုလုပ်

မြောက်ဦး ၅ အောက်တိုဘာ

ရခိုင်ပြည်နယ်၊ မြောက်ဦးခရိုင်၊ မြောက်ဦးမြို့တွင် ရှေးဟောင်းသုသေသနနှင့် အမျိုးသားပြ တိုက်ဦးစီးဌာနမှ ဝန်ထမ်းများသည် ယမန်နေ့ နံနက် ၇ နာရီက သမိုင်းဝင်ရှေးဟောင်းလက်ဆည် ကန်တံတိုင်းနှင့် အနီးနားပတ်ဝန်းကျင်အား သန့်ရှင်းသာယာလှပရေးအတွက် ကွင်းဆင်းဆောင် ရွက်ကြောင်း သိရသည်။

ကွင်းဆင်းဆောင်ရွက်မှုကို ရှေးဟောင်းသုသေသနနှင့် အမျိုးသားပြတိုက်ဦးစီးဌာနမှ ညွှန် ကြားရေးမှူး ဒေါက်တာသန်းထိုက်ဦးဆောင်ကာ တာဝန်ရှိဝန်ထမ်းများက သမိုင်းဝင်ရှေးဟောင်း လက်ဆည်ကန်တံတိုင်းတွင် ပေါက်နေသော ရေညှိပင်များ မြက်ပင်များအားရှင်းလင်းပြီး တံတိုင်း အနီးအနားပတ်ဝန်းကျင်ရှိ ခြုံနွယ်ပင်များနှင့် ပေါင်းပင်များကို ခုတ်ထွင်ရှင်းလင်းခြင်းနှင့် အမှိုက် များကိုစုပေါင်း ကောက်ယူခြင်းများ ပြုလုပ်ခဲ့ကြောင်း သိရသည်။

ယင်းသို့ သန့်ရှင်းမှုများကို ကွင်းဆင်းဆောင်ရွက် ပြုလုပ်ပေးခြင်းဖြင့် ရှေးဟောင်းယဉ် ကျေးမှုမြို့တော် မြောက်ဦးမြို့ရှိ သမိုင်းဝင်ဘုရားပုထိုးစေတီများနှင့် ရှေးဟောင်းသာသနိက အ ဆောက်အဦများ သမိုင်းဝင်ရှေးဟောင်းအထင်ကရနေရာများကို ဘုရားဖူးပြည်သူများနှင့် နိုင်ငံခြား သားများလာရောက်လည်ပတ်ချိန်တွင် သန့်ရှင်းယာလှပမှုများ ရှိနေစေရန်ရည်ရွယ်၍ ကွင်းဆင်း ဆောင်ရွက်ပြုလုပ်ကြောင်း ရှေးဟောင်းသုသေသနနှင့် အမျိုးသားပြတိုက်ဦးစီးဌာနမှ သိရှိရသည်။

တင်ထွန်းဦး (ပြန်/ဆက်)