မြောက်ဦး ဧပြီ ၂
ရခိုင်ပြည်နယ်၊ မြောက်ဦးခရိုင်၊ မြောက်ဦးမြို့နယ်ရှိ စာစစ်ဌာန ခုနစ်ခုတွင်၂၀၂၁-၂၀၂၂ ပညာသင်နှစ် တက္ကသိုလ်ဝင်စာမေးပွဲ သင်္ချာဘာသာရပ်ကို ဧပြီ ၂ ရက် နံနက် ၉ နာရီက ကျောင်းသား ကျောင်းသူ စုစုပေါင်း ၂၅၁၄ ဦး အေးချမ်းစွာ ဖြေဆိုခဲ့သည်။
မြောက်ဦးမြို့နယ်တွင် တက္ကသိုလ်ဝင်စာမေးပွဲ ဖြေဆိုမည့် စာရင်းရှိကျောင်းသား ကျောင်းသူ စုစုပေါင်း ၂၇၄၅ ဦးရှိပြီး အထက-ထမ္မရာဇ်မြို့သစ် စာစစ်ဌာနတွင် ၆၈၃ ဦး၊ အထက-၂ စာစစ်ဌာနတွင် ၃၆၈ ဦး၊ အထက(ခွဲ) အလက(၁)စာစစ်ဌာနတွင် ၄၁၆ ဦး၊ အထက(ခွဲ)အလက(၃) စာစစ်ဌာနတွင် ၂၂၇ ဦး၊ အထက-မြောင်းဘွေ စာစစ်ဌာနတွင် ၃၀၃ ဦး၊ အထက-တိမ်ညို စာစစ်ဌာနတွင် ၃၀၂ ဦး၊ အထက-ကျီရာပြင် စာစစ်ဌာနတွင် ၂၁၅ ဦး စုစုပေါင်း ၂၅၁၄ ဦး ဝင်ရောက်ဖြေဆိုခဲ့ကြောင်း သိရသည်။
မြင့်စိုး (ပြန်/ဆက်)
