နေပြည်တော်၊ ဇူလိုင် ၂
တနင်္သာရီတိုင်းဒေသကြီး၊ မြိတ်မြို့၌ လုံခြုံရေးတပ်ဖွဲ့ဝင်များထံမှ လက်နက်လုယူရန် ကြိုးစားခဲ့သူ အကြမ်းဖက်သမားကို ခြောက်လှန့်ပစ်ခတ်ရာမှ သေဆုံးသွားခဲ့ကြောင်း သိရသည်။
ဖြစ်စဉ်မှာ ယမန်နေ့ ညပိုင်းတွင် မြိတ်မြို့၊ မြို့မအားကစားကွင်းဝန်းကျင်၌ လှည့်ကင်းဆောင်ရွက်လျက် ရှိသော လုံခြုံရေးတပ်ဖွဲ့ဝင်များသည် ည ၁၁ နာရီခွဲခန့်တွင် “ဦးမြတ်လေး” ပန်းခြံရှေ့အရောက်၌ အကြမ်းဖက်သူ အမျိုးသားတစ်ဦးသည် ပုန်းခိုနေရာမှ ပြေးထွက်လာပြီး လုံခြုံရေးတပ်ဖွဲ့ဝင်တစ်ဦး ကိုင်ဆောင်ထားသည့် သေနတ်အားလုယူခဲ့သဖြင့် လုံခြုံရေးတပ်ဖွဲ့ဝင်မှ ၎င်း၏ဘေးသို့ သေနတ် ၁ ချက် ခြောက်လှန့်ပစ်ခတ်ခဲ့သည်။
အဆိုပါ အကြမ်းဖက်သမားမှ ထပ်မံလုယူရန် ကြိုးစားသဖြင့် ခြောက်လှန့်ပစ်ခတ်ခဲ့ရာ အကြမ်းဖက် သမား၏ ဘယ်ပေါင်ရင်း ထိမှန်ဒဏ်ရာ ၁ ချက်နှင့် ဝဲလက်မောင်း ထိမှန်ဒဏ်ရာ ၁ ချက်ရရှိကာ ကတ္တရာ လမ်းပေါ်သို့ မှောက်လျက်လဲကျသွားပြီး လဲကျသွားသည့်အရှိန်ဖြင့် နဖူးကွဲဒဏ်ရာ ၁ ချက် ထပ်မံရရှိခဲ့ သဖြင့် မြိတ်မြို့ပြည်သူ့ဆေးရုံကြီးသို့ ပို့ဆောင်စဉ် သေဆုံးသွားခဲ့သည်။
ဖြစ်စဉ်တွင် လုံခြုံရေးတပ်ဖွဲ့ဝင်တစ်ဦးထံမှ သေနတ်လုယူရန်ကြိုးစားခဲ့သည့် အကြမ်းဖက်သူ အမျိုးသား (စိစစ်ဆဲ)သေဆုံးမှုနှင့်ပတ်သက်၍ ရဲလုပ်ငန်းများနှင့်အညီ သေမှုသေခင်းရေးဖွင့်၍ စစ်ဆေးလျက်ရှိ ကြောင်း သတင်းရရှိသည်။
(သတင်းစဉ်)
