မိုးနဲ၊ ၂ ဇွန်
ရှမ်းပြည်နယ် (တောင်ပိုင်း)၊ လင်းခေးခရိုင်၊ မိုးနဲမြို့နယ်၌ ဒေသခံပြည်သူများအား ကိုဗစ်-၁၉ ရောဂါ ကာကွယ်ဆေး ဆက်လက်ထိုးနှံပေးခြင်းကို ဇွန် ၂ ရက် နံနက် ၈ နာရီက မြို့နယ်ကမ္ဘောဇခန်းမ၌ ထိုးနှံပေးလျက်ရှိကြောင်း သိရသည်။
မြို့နယ်စီမံအုပ်ချုပ်ရေးအဖွဲ့၏ စီစဉ်မှုဖြင့်ထိုးနှံပေးလျက်ရှိရာ ကာကွယ်ဆေးမထိုးမီ သွေးတိုး၊ ဆီးချိုနှင့် အခြားရောဂါလက္ခဏာများ ရှိ/မရှိနှင့် လိုအပ်သည့်စစ်ဆေးမှုများ ပြုလုပ်ပေးကာ ကာကွယ်ဆေးထိုးနှံပြီးပါက မိနစ် ၃၀ ခန့် စောင့်ကြည့်ပေးခြင်းနှင့် ကာကွယ်ဆေးထိုးပြီးသော်လည်း mask တပ်ခြင်း၊ လက်ဆေးခြင်း၊ လူစုလူဝေးရှောင်ရှားခြင်းကို ဆက်လက်ကာကွယ် ဆောင်ရွက်ရမည်ဖြစ်ကြောင်း အသိပညာပေးမှာကြားခဲ့သည်။
မတ် ၉ ရက်တွင် စတင်ထို့နှံပေးခဲ့ပြီး ယနေ့ထိ မြို့နယ်အတွင်းရှိဝန်ထမ်းများ၊ အသက်(၆၅)နှစ်အထက်၊ အသက်(၁၈)နှစ်မှ (၆၅)နှစ်အတွင်း ပြည်သူများ၊ မြို့နယ်ပရဟိတအသင်းများ စုစုပေါင်း (၁၃၄၇)ဦးကို ကာကွယ်ဆေး ပထမအကြိမ်နှင့် ဒုတိယအကြိမ် ထိုးနှံပေးခဲ့ပြီးဖြစ်ကြောင်း မြို့နယ်အထွေထွေ အုပ်ချုပ်ရေးဦးစီးဌာနမှ သိရသည်။
မျိုးညွန့်ရွှေ (မိုးနဲ)
