မိုင်းဆတ် ၁၀ ဖေဖော်ဝါရီ
ရှမ်းပြည်နယ်(အရှေ့ပိုင်း) မိုင်းဆတ်မြို့၌ လယ်ယာသုံးစက်ကိရိယာ မောင်းနှင်ထိန်းသိမ်းမှု အခြေခံသင်တန်းဖွင့်ပွဲကို ယနေ့ နံနက် ၉ နာရီက စက်မှုလယ်ယာဦးစီးဌာန၊ စက်မှုလယ်ယာစခန်းခွဲတွင် ပြုလုပ်ခဲ့ကြောင်း သိရသည်။
သင်တန်းဖွင့်ပွဲတွင် မြို့နယ်အုပ်ချုပ်ရေးမှူး ဦးငြိမ်းထွေးက မြို့တစ်မြို့၊ ဒေသတစ်ခု ဖွံ့ဖြိုးတိုးတက်ရန် မှာ လယ်ယာစိုက်ပျိုးရေး ကဏ္ဍသည်လည်း အရေးကြီးကြောင်း ရှင်းလင်းပြောကြားပြီး စက်မှုလယ်ယာ ဦးစီးဌာန၊ လက်ထောက်ညွှန်ကြားရေးမှူး ဦးမျိုးညွှန့်က သင်တန်းကို ဈေးကွက်ဝင်သော လယ်ယာထွက် သီးနှံများ အောင်မြင်စွာစိုက်ပျိုးနိုင်ရန် ရည်ရွယ်၍ ဖွင့်လှစ်ရခြင်းဖြစ်ကြောင်း ပြောကြားသည်။
ထို့နောက် စက်မှုလယ်ယာဦးစီးဌာန၊ တာချီလိတ်မြို့နယ်ဦးစီးမှူး ဦးစိုင်းချစ်ထွန်းက သင်တန်းဆိုင်ရာ အချက်အလက်များကို ရှင်းလင်းပြောကြားသည်။
အဆိုပါ သင်တန်းတွင် ရပ်ကွက်/ကျေးရွာများမှ သင်တန်းသား ၃၀ အား ဖေဖော်ဝါရီ ၁၀ ရက်မှ ၁၄ ရက်နေ့ အထိ စာတွေ့၊ လက်တွေ့ သင်ကြားပို့ချသွားမည်ဖြစ်ကြောင်း သိရသည်။
မြင့်မောင်(ပြန်/ဆက်)
