မိုင်းဖြတ် သြဂုတ် ၂၆
ရှမ်းပြည်နယ်(အရှေ့ပိုင်း)၊ တာချီလိတ်ခရိုင်၊ မိုင်းဖြတ်မြို့နယ်တွင် မြို့နယ် ပြန်ကြားရေးနှင့် ပြည်သူ့ဆက်ဆံရေးဦးစီးဌာနအနေဖြင့် စာဖတ်ရှိန်မြှင့်တင်ရေးလုပ်ငန်းများကို စဉ်ဆက်မပြတ်ဆောင်ရွက်လျက်ရှိရာ ယနေ့ နံနက်ပိုင်းက နယ်လှည့်စာကြည့်တိုက်လုပ်ငန်းကို အ.ထ.က(မိုင်းဖြတ်)ကျောင်း၌ ကွင်းဆင်းဆောင်ရွက်ခဲ့သည်။
ထိုသို့ဆောင်ရွက်ရာတွင် မြို့နယ် ပြန်ကြားရေးနှင့် ပြည်သူ့ဆက်ဆံရေးဦးစီးဌာနမှ စာကြည့်တိုက်လက်ထောက်-၃ ဒေါ်နန်းကောင်ခမ်းနှင့် ဝန်ထမ်းများက အ.ထ.က(မိုင်းဖြတ်)ကျောင်းမှ ကျောင်းသား၊ ကျောင်းသူများကို သုတ၊ ရသစာပေ (၁၅၀)အုပ်ကို အခမဲ့ ငှားရမ်းပေးခဲ့သည်။ ထိုသို့ စာအုပ်စာစောင်များ ငှားရမ်းပေးခြင်းသည် စာဖတ်ပရိသတ်များအနေဖြင့် ပြည်သူ့စာကြည့်တိုက်သို့ မလာနိုင်သော်လည်း စာပေများကို အလွယ်တကူ ငှားရမ်းဖတ်ရှုနိုင်ရေး၊ ကျောင်းစာအပြင် ပြင်ပဗဟုသုတစာပေများကိုပါ လေ့လာဖတ်ရှုစေရေးအတွက် ရည်ရွယ်ပြီး ကွင်းဆင်းငှားရမ်းပေးခြင်းဖြစ်ကြောင်း သိရသည်။
သန်းထွန်းအေး(မိုင်းဖြတ်)
