မိုးညှင်း ၁၉  စက်တင်ဘာ 

ကချင်ပြည်နယ် မိုးညှင်းခရိုင်အတွင်းရှိ အခြေခံပညာကျောင်းများ၌ ၂၀၁၉ - ၂၀၂၀ ပညာသင် နှစ်တွင် တိုင်းရင်းသား ဘာသာစာပေသာမက ကျောင်းသင်ဘာသာရပ်များ သင်ကြားရာတွင် အထောက်အကူပြု  TA(Teaching Assistant) နေ့စား(၂၂၄)ဦးနှင့် တိုင်းရင်းသား ဘာသာစာပေ သီး သန့်သင်ကြားရန်  LT (Language Teacher)၁၅ဦးတို့အား စက်တင်ဘာလမှစတင်၍ခန့်အပ်တာ ဝန်ပေး သင်ကြားစေမည်ဖြစ်ကြောင်း အခြေခံပညာဦးစီးဌာနမှ သိရသည်။

မိုးညှင်းခရိုင်အတွင်း မြို့နယ်(၃)မြို့နယ်ပါဝင်ပြီး တစ်မြို့နယ်ချင်းအလိုက် ခန့်အပ်ထားသည့် တိုင်းရင်းသား စာပေဘာသာစကားသင်  နေ့စားလပေးများအနေဖြင့် မိုးညှင်းမြို့နယ်တွင် တိုင်းလိုင် ၇၄ ဦး၊ ဂျိန်းဖော ၉ ဦးနှင့် တိုင်းလုံ ၆ ဦး၊ မိုးကောင်းမြို့နယ်တွင် တိုင်းလိုင် ၅၈ဦး၊ ဂျိန်းဖော၂၄ ဦး၊ တိုင်းလုံ ၅ ဦး၊တိုင်းလေ ၂ ဦး၊ ဖားကန့်မြို့နယ်တွင် ဂျိန်း ဖော ၃၀၊ ဇိုင်ဝါး ၄ ဦး၊လော်ဝေါ် ၁ဦး၊လာချိဒ် ၁ ဦး၊ လီဆူ ၁ ဦး၊ရဝမ် ၅ ဦး၊တိုင်းလိုင် ၃ ဦး၊တိုင်းလုံ ၁ ဦး တို့ကို ခန့်အပ်သင်ကြားစေမည် ဖြစ်သည်။

တိုင်းရင်းသား ဘာသာစာပေသီးသန့်  LT (Language Teacher)သင်ကြားရန်မိုးကောင်းမြို့နယ်တွင် ဂျိန်းဖော ၄ ဦး၊တိုင်းလုံ ၁ ဦးနှင့် ဖားကန့်မြို့နယ်တွင် ဂျိန်းဖော ၁၀ ဦးတို့အား ခန့်အပ် ထားကြောင်း သိရသည်။

တိုင်းရင်းသား ဘာသာစာပေသင်ကြားမှုနှင့်ပတ်သက်၍ မြို့နယ်ပညာရေးမှူး  ဦးခိုင်ဝေက “အခြေခံပညာကျောင်းများရဲ့ စာသင်ချိန်တွေထဲမှာ (၁)ချိန်ထည့်သွင်းသင်ကြားစေမှာဖြစ်တယ်၊ ဘယ်အချိန်လို့တော့ သတ်မှတ်ထားတာမရှိဘူး၊ သက်ဆိုင်ရာကျောင်းအုပ်ကြီးရဲ့ စီမံမှုနဲ့သင်ကြားစေတယ်”ဟုပြောသည်။

TA(Teaching AsSistant) နေ့စားများအနေဖြင့်  တိုင်းရင်းသားဘာသာ စာပေသင်ကြားမှုအပြင် လိုအပ်ပါက ကျောင်းသင်ဘာသာရပ်များကိုလည်း သင်ကြားပေးရမည်ဖြစ်ပြီး၊ LT (Langu age Teacher) များအနေဖြင့် တစ်ရက်လျှင်စာသင်ချိန် (၁)ချိန်သာ မိမိတိုင်းရင်းသား ဘာသာစာပေ သီးသန့်သာ သင်ကြားပေးရမည်ဖြစ်ပြီး ထောက်ပံ့ကြေးအနေဖြင့် ၁ လ (၃၀ဝ၀ဝိ/)ကျပ်ရရှိမည်ဖြစ်ပြီး အခြေခံပညာမူလတန်းဆင့်တွင်GRADE (1 ၊ 2 ၊ 3)မှစ၍ တိုင်းရင်းသား ဘာသာစာပေ သင်ကြားသွားမည်ဖြစ်ကြောင်း သိရသည်။

ကျော်ကျော်ထွေး(မိုးညှင်း)