မြို့သစ်၊ ၈ ဇွန်
မကွေးတိုင်းဒေသကြီး၊ မြို့သစ်မြို့နယ် မီးသတ်ဦးစီးဌာနမှ မီးသတိပေးလှုံ့ဆော်ခြင်းများကို ဇွန် ၇ ရက် ညနေ ၅ နာရီက သက်ဆိုင်ရာနယ်မြေများတွင် လှည့်လည်ဆောင်ရွက်ခဲ့ကြကြောင်း သိရသည်။
ထိုသို့ မီးသတိပေးခြင်းများ ဆော်ဩဆောင်ရွက်ရာတွင် မြို့သစ်မြို့နယ် မီးသတ်ဦးစီးဌာနမှ မီးသတ်ဦးစီးမှူး ဦးဝေလင်းကျော်နှင့် တပ်ဖွဲ့ဝင်များက မြို့ပေါ်ရပ်ကွက် (၅)ရပ်ကွက်အတွင်းသို့ ဌာနပိုင်မီးသတ်မော်တော်ယာဉ်ဖြင့် လှည့်လည်ကာ ထမင်း/ဟင်းချက်ပြုတ်ချိန်တွင် မိမိတို့အိမ်ရှိ မီးဖိုများကို အသုံးပြုရာ၌ စနစ်တကျကာရန်၍ ချက်ပြုတ်ကြရန်၊ ချက်ပြုတ်ပြီးပါက မီးကိုစနစ်တကျဖြင့် ငြိမ်းသည်အထိ ငြှိမ်းသတ်ကြရန်၊ ချက်ပြုတ်ချိန်တွင် မီးဖိုအနီးတွင် ရေအိုး ရေခွက်များ အသင့်ထားရှိကြရန် ၊ မီးဖိုအနီးတွင် လောင်စာဆီများမထားကြရန်၊ ဟောင်းနွမ်းနေသော လျှပ်စစ်ဝိုင်ယာကြိုး၊ မီးခလုတ်၊ မီးအားမြှင့်စက်များကို အသုံးပြုပီးပါက စနစ်တကျပြန်လည် ပိတ်ထားကြရန်၊ အသုံးမပြုသည့် လျှပ်စစ်ပစ္စည်းများကို အသုံးမပြုပါက သက်ဆိုင်ရာ လျှပ်စစ်ဝန်ထမ်းများနှင့် ဆက်သွယ်ပြသပြီး ဖြုတ်ထားကြရန်၊ ပိတ်ထားကြရန်နှင့် ရပ်ကွက်/ကျေးရွာများအတွင်းရှိ မိမိတို့အိမ်တွင် အသင့်ထားရှိသော မီးချိတ်၊ မီးကပ်၊ သဲပုံး၊ ရေပုံး၊ လှေကားနှင့် မီးသတ်ဆေးဘူးတို့ကို အသင့်ထားရှိကြရန်၊ မီးအသုံးပြုချိန်ကို နေ့စဉ် နံနက် ၄ နာရီမှ ၁၁ နာရီထိနှင့် ညနေ ၃ နာရီမှ ည ၈ နာရီအချိန်ထိ အသုံးပြုကြရန် စသည့်အချက်များကို မီးဘေးလုံခြုံရေးအတွက် မြို့နယ်မီးသတ်ဦးစီးဌာန တပ်ဖွဲ့ဝင်များက အပတ်စဉ် (တနင်္လာ၊ ဗုဒ္ဓဟူး၊ သောကြာ) နေ့များတွင် ပုံမှန်လှည့်လည် ဆော်ဩဆောင်ရွက်ကြကြောင်း သိရသည်။
သန်းဝင်းထွန်း (မြို့သစ်)