မင်္ဂလာဒုံ ၇ ဇန်နဝါရီ
ရန်ကုန်မြောက်ပိုင်းခရိုင် မင်္ဂလာဒုံမြို့နယ်အတွင်း စီးပွားရေးနှင့်ကူးသန်းရောင်းဝယ်ရေး ဝန်ကြီးဌာန စားသုံးသူရေးရာဦးစီးဌာနက စားသုံးသူအကာကွယ်ပေးရေးနှင့် 'စားသုံးသူများ လုံခြုံစိတ်ချမှုရှိစေရန်' ဟူသော မျှော်မှန်းချက်နှင့်အညီ စားသုံးသူအကာကွယ်ပေးရေးအကြောင်း သိကောင်းစရာများကို ကျောင်းသားကျောင်းသူများ သိရှိစေရန် ရည်ရွယ်၍ ယနေ့နံနက်ပိုင်းက မင်္ဂလာဒုံမြို့နယ် အမှတ်(၁)အခြေခံပညာမူလတန်း ကျောင်း၌ ဆွေးနွေးဟောပြောခဲ့သည်။
ရှေးဦးစွာ အ.မ.က(၁)မှ ကျောင်းအုပ်ဆရာမကြီး ဒေါ်ယဉ်ယဉ်ခိုင်က အဖွင့်အမှာ စကားပြောကြားပေးခဲ့ပြီး စားသုံးသူရေးရာဦးစီးဌာန၊ မြောက်ပိုင်းခရိုင် ဦးစီးမှူးရုံးမှ ဒုကြီးကြပ်ရေးမှူး ဒေါ်ကေခိုင်မျိုးထွန်းက စားသုံးသူအကာအကွယ်ပေးရေးအကြောင်း သိကောင်းစရာများကိုလည်းကောင်း၊ အကြီးတန်းစာရေး ဒေါ်နီလာဦးက တိုင်ကြားမှုများ၊ စားသုံးသူများ၏ အခွင့်အရေးနှင့် အရေးယူဆောင်ရွက်မှုများကိုလည်းကောင်း ဆွေးနွေးခဲ့ပြီး ကျောင်းသားကျောင်းသူများအသိပညာ ဗဟုသုတများ ရရှိစေရန် လက်ကမ်းစာစောင်များ ဖြန့်ဝေပေးခဲ့ကြောင်း သိရသည်။
စိုင်းကိုကို(ပြန်/ဆက်)
