မြင်းခြံ ၃ စက်တင်ဘာ
မန္တလေးတိုင်းဒေသကြီး မြင်းခြံမြို့တွင် ဆည်ရေစီမံခန့်ခွဲမှု ရက်တိုသင်တန်းကို ဆည်မြောင်းပညာရပ် ဖွံ့ဖြိုးမှု လေ့ကျင့်ရေး ဌာနခွဲ(ပဲခူး)မှ လာရောက်၍ မြင်းခြံခရိုင် ဆည်မြောင်းနှင့် ရေအသုံးချမှု ဦးစီးဌာနရုံးတွင် ဩဂုတ် ၂၉ ရက်မှ စတင်ဖွင့်လှစ် ပို့ချခဲ့ကြောင်း သိရသည်။
သင်တန်းတွင် ဆည်မြောင်းပညာရပ် ဖွံ့ဖြိုးမှုလေ့ကျင်းရေးဌာနခွဲ (ပဲခူး)မှ ဒုတိယညွှန်ကြားရေးမှူး ဒေါက်တာ မောင်မောင်နိုင်က ဆည်မြောင်းနှင့် ပတ်သက်သော ပညာရပ်များ၊ ရေထုထည် စီးနှုန်းတိုင်းတာခြင်း လုပ်ငန်းများ စသည်တို့ကို သင်ကြားပို့ချခဲ့သည်။
ထို့နောက် လက်တွေ့ဆောင်ရွက်မှု လုပ်ငန်းများကို ဆိတ်ညံမြစ်ရေတင် ရေသောက်စနစ် လက်တံမြောင်း(၄)နှင့် (၅)တို့တွင် ရေထုစီးနှုန်း တိုင်းတာခြင်းလုပ်ငန်းများအား သင်တန်းသားများကိုယ်တိုင် ဆောင်ရွက်စေခဲ့ပြီး သင်ကြားပို့ချပေးခဲ့ကြောင်း သိရသည်။
အဆိုပါ ဆည်ရေခန့်ခွဲမှု ရက်တိုသင်တန်းကို မြင်းခြံခရိုင် လက်ထောက်ညွှန်ကြားရေးမှူးရုံး (ဆည်မြောင်း)မှ သင်တန်းသားများ၊ လက်ထာက်ညွှန်ကြားရေးမှူးရုံး (ရေအရင်းမြစ်)မှ သင်တန်းသားများ စုစုပေါင်း (၅၁)ဦး တက်ရောက်ခဲ့ကြောင်း သိရသည်။
ဇော်မင်းနိုင်(မြင်းခြံ)
