အထက်မင်းလှ ဇန်နဝါရီ ၂
မကွေးတိုင်းဒေသကြီး၊ သရက်ခရိုင်၊ မင်းလှမြို့နယ်တွင် ပြည်သူများအား ကိုဗစ်-၁၉ရောဂါ ကာကွယ်ဆေး စတုတ္ထ အသုတ် (ဒုတိယအကြိမ်) ထိုးနှံပေးခြင်းကို ဇန်နဝါရီ ၂ ရက် နံနက် ၉နာရီက မင်းလှမြို့နယ်အတွင်းရှိ သတ်မှတ်ဆေးထိုး စုရပ်များ၌ ဆက်လက်ထိုးနှံပေးလျက်ရှိသည်။
အဆိုပါကာကွယ်ဆေးထိုးနှံပေးရာ၌ ကျန်းမာရေးဝန်ကြီးဌာန၏ ကိုဗစ်-၁၉ရောဂါကာကွယ်ရေး လမ်းညွှန်ချက်များနှင့်အညီ ကျန်းမာရေးဝန်ထမ်းများက ဆေးထိုးနှံပေးလျက်ရှိပြီး ရပ်ကွက်၊ ကျေးရွာ အုပ်ချုပ်ရေးမှူးများနှင့် စာရေးဝန်ထမ်းများက ကာကွယ်ဆေးထိုးနှံရာတွင် ကူညီဆောင်ရွက်ပေးလျက်ရှိသည်။
မင်းလှမြို့နယ်တွင် ကိုဗစ်-၁၉ရောဂါ ကာကွယ်ဆေး(Sinopharm) စတုတ္ထအသုတ် (ဒုတိယအကြိမ်) ထိုးနှံရန် လူဦးရေ ၈၉၄၅ဦး၊ ကိုဗစ်-၁၉ ရောဂါကာကွယ် ဆေး(Sinovac) စတုတ္တအသုတ် (ဒုတိယအကြိမ်) ထိုးနှံရန် လူဦးရေ ၆၈၄၂ဦးရှိရာ ဇန်နဝါရီအထိ ဆေးထိုးစုရပ်များ၌(Sinopharm) ကာကွယ်ဆေးထိုးနှံပြီးသူ၆၉၂၀ဦး ၊(Sinovac) ကာကွယ်ဆေးထိုးနှံပြီးသူ ၆၁၈၆ဦးရှိပြီး ကာကွယ်ဆေးထိုးနှံရန်ကျန်ရှိနေသူများအား သက်ဆိုင်ရာ သတ်မှတ် ဆေးထိုးစုရပ်များတွင် ဆက်လက်ထိုးနှံပေးလျက်ရှိကြောင်းသိရသည်။
ဇာဇာ(အထက်မင်းလှ)
