နေပြည်တော် ၂ ဇန်နဝါရီ
ပြည်တွင်းကျောက်မျက်ရတနာကုန်သည်များ ပြည်တွင်း၌ လွတ်လပ်စွာ ရောင်းဝယ်နိုင်ရေး၊ အလုပ်အကိုင် အခွင့်အလမ်းများ ပေါ်ထွက်လာစေရန်အတွက် မြန်မာကျပ်ငွေဖြင့် ရောင်းချသော ကျောက်မျက်ရတနာပြပွဲကို ယနေ့နံနက်ပိုင်းက နေပြည်တော်ရှိ မဏိရတနာကျောက်စိမ်းခန်းမ၌ စတင်ကျင်းပသည်။
ယခုပြပွဲတွင် ကျောက်စိမ်းအတွဲပေါင်း ၃၆၉၅ တွဲကို ပြည်တွင်းကျောက်မျက်ကုမ္ပဏီများက တင်ပြ ရောင်းချထားပြီး တစ်နေ့လျှင် အိတ်ဖွင့်တင်ဒါစနစ်ဖြင့် ကျောက်စိမ်းအတွဲ ၁၂၅၀ တွဲအား ပြည်တွင်း ကုန်သည်များက ဝယ်ယူကြမည်ဖြစ်ကြောင်း သိရသည်။ ကျောက်စိမ်းအတွဲများသည် ကြမ်းခင်းဈေး ကျပ် ၁၀ သိန်းမှ ကျပ် သိန်း ၃၅၀ဝ အထိရှိကြောင်း သိရသည်။
သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာန၏ ဦးဆောင်မူဖြင့် ပြပွဲကို ဇန်နဝါရီ ၂ ရက်မှ ၇ ရက်အထိ ကျင်းပမည်ဖြစ်ရာ ပြပွဲပထမနေ့၌ ပြည်တွင်းကုန်သည်များနှင့် စည်ကားနေကြောင်း သိရသည်။
ခွန်(ဝင်းပ)
