ပြင်ဦးလွင်  ၂၁ အောက်တိုဘာ   

မြန်မာနိုင်ငံဘောလုံးအဖွဲ့ချုပ် ၊ ခရိုင်အားကစားနှင့် ကာယပညာဦးစီးဌာနနှင့် မြို့နယ်ဘောလုံးအဖွဲ့ချုပ်တို့ ပူးပေါင်းဖွင့်လှစ်သော   MFF “ C  ”  COACHING  CERTIFICATE  COURSE  ဘောလုံးနည်းပြ သင်တန်းဖွင့်ပွဲကို ယနေ့နံနက် ( ၈ ) နာရီက ပြင်ဦးလွင်ခရိုင်အားကစားကွင်းအတွင်းရှိ သင်တန်း ခန်းမဆောင်၌  ကျင်းပြုလုပ်ရာ  လွှတ်တော်ကိုယ်စားလှယ် ၊ ခရိုင်/မြို့နယ်အဆင့်ဌာနဆိုင်ရာအကြီး အကဲများ ၊ သင်တန်းနည်းပြများ ၊  သင်တန်းသားများ နှင့် တာဝန်ရှိသူများ တက်ရောက်ကြသည်။ 

ရှေးဦးစွာ တိုင်းဒေသကြီးလွှတ်တော်ကိုယ်စားလှယ် ဦးအောင်မင်းမှ အဖွင့်အမှာစကားပြောကြားပြီး ပြင်ဦးလွင်ခရိုင် အထွေထွေအုပ်ချုပ်ရေးဦးစီးဌာန ၊ ဒုတိယအုပ်ချုပ်ရေးမှူး ဦးထင်ကျော်က ဘောလုံးနည်းပြ သင်တန်းဖွင့်ပွဲနှင့် ပတ်သတ်သည်များကို  ရှင်းလင်းပြောကြားခြင်း ၊ မြို့နယ်ဘောလုံးအဖွဲ့ချုပ် ဥက္ကဌ ဦးဒေးဗစ်ပါချန်း မှ MFF “ C  ”  2019   COACHING  CERTIFICATE  COURSE  ဘောလုံးနည်းပြ သင်တန်း ဖွင့်လှစ်ရခြင်း ရည်ရွယ်ချက်များကို ရှင်းလင်းပြောကြားခြင်း ၊ ဘောလုံးနည်းပြ   “ C ’’ သင်တန်း သင်ကြားမည့် နည်းပြချုပ် ဦးကြည်နိုင်  မှ  သင်တန်းနှင့်  ပတ်သက်၍ ဆွေးနွေးတင်ပြခဲ့သည်။

အဆိုပါ  ပြင်ဦးလွင်ခရိုင်အတွင်းရှိ  မြို့နယ်များမှ သင်တန်းသား  ( ၂၅ ) ဦးတို့ဖြင့်   သင်တန်းကို အောက်တိုဘာ ၂၁ ရက်မှ ၂၆ စာတွေ့လက်တွေ့နည်းပြသင်ခန်းစာအသစ်များ ကို နည်းပြဆရာမှ အသေးစိတ် ရှင်းလင်းသင်ကြားပို့ချမည်ဖြစ်ကြောင်း သိရသည်။ 

ဇော်မျိုးထိုက် ( ပြင်ဦးလွင် )