တောင်တွင်းကြီး ၁၁ အောက်တိုဘာ
ဆီမီးခွက်လေးများသည် သီတင်းကျွတ်ဆီမီးပူဇော်ပွဲ၊ တန်ဆောင်တိုင် မီးထွန်းပွဲများအတွက် ဗုဒ္ဓဘာသာမြန်မာလူမျိုးတို့ နှစ်စဉ်ဝယ်ယူကြလေ့ရှိပြီး ရိုးရာမပျက် ဆီးမီး၊ ဖယောင်းတိုင်မီးများ ထွန်းညှိပူဇော်ကြရာ ယခုကဲ့သို့ အညာဒေသအခေါ် သီတင်းကျွတ်ပွဲတော်အခါဈေး နေ့များ၌ အရောင်းရဆုံး ပစ္စည်းတစ်ခုဖြစ်သည်။
ဆီမီးပူဇော်ရန် အရောင်အသွေးစုံ၊ အရွယ်အစားအမျိုးမျိုးဖြင့် ပြည်တွင်း ပြည်ပမှ ထုတ်လုပ်ရောင်းချနေသော ခေတ်မီဆီမီးခွက်များ ပြည်တွင်းဈေးကွက်မှာ နေရာယူရောင်းချနေကြသော်လည်း မြန်မာ့ရိုးရာ မြေထည်ဆီမီးခွက်လေးများလောက် လူသုံးမများကြောင်း ကြား သိရသည်။
တောင်တွင်းကြီးမြို့၏ မြို့မဈေးအတွင်းက အိုးတန်းတွင် ဒေသထွက် ဆီးမီးခွက်များရောင်းချသည့်ဆိုင် ၅ ဆိုင်ခန့်ရှိပြီး ပုံစံတူဆီမီးခွက်လေးများရောင်းချနေကြသည့် အနီးဆုံးဆိုင်တစ်ခုဖြစ်တဲ့ သြဇာပန်း ပန်းအိုးအရောင်းဆိုင်ကို ဆီမီးခွက်ဈေးနှုန်း မေးမြန်းကြည့်ရာ ဆိုင်ပိုင်ရှင် ကိုတင်ထွန်းအောင်က သူ့ဆိုင်ကဆီမီးခွက်တွေကို ၁၀ ခွက်ကို ၂၀ဝ ကျပ်၊ ခွက် ၁၀ဝဝ ကို ၁၈၀ဝဝ ကျပ်၊ မီးစာ အပင် ၂၀ ပါတစ်စည်းကို ၈၀ ကျပ်နှုန်းဖြင့် ဈေးနှုန်းချိုသာစွာရောင်းချပေးနေကြောင်း ပြောကြားချက်အရ သိရသည်။
MDN
