​မော်လမြိုင် ဇွန် ၂၇

မွန်ပြည်နယ် ပေါင်မြို့နယ်၊ ဗုဒ္ဓဘာသာကလျာဏယုဝအသင်းမှ ကြီးမှူးကျင်းပသည့် ယဉ်ကျေးလိမ္မာ သင်တန်း (အငယ်တန်း) ဖွင့်ပွဲအခမ်းအနားကို ဇွန် ၂၆ ရက်က မုတ္တမမြစေတီ နန်းဦးစာသင်တိုက်၌ ကျင်းပရာ ဆရာ​တော်၊ သံဃာ​တော်အရှင်သူမြတ်များ၊ မွန်ပြည်နယ် စီမံအုပ်ချုပ်ရေးကောင်စီဥက္ကဋ္ဌ ဦးဇော်လင်းထွန်းနှင့် ကောင်စီဝင်များ၊ ဌာနဆိုင်ရာအကြီးအကဲများ၊ သင်တန်းနည်းပြဆရာများ၊ သင်တန်းသား၊ သင်တန်းသူများ တက်ရောက်ကြသည်။

အခမ်းအနားတွင် ပေါင်မြို့နယ် ဗုဒ္ဓဘာသာကလျာဏ ယုဝအသင်း၏ ဩဝါဒဆရာ​တော် အရှင်ဥတ္တရာ ဘိဝံသထံမှ ငါးပါးသီလ ခံယူ​ဆောက်တည်​တော်မူကြပြီး မွန်ပြည်နယ် စီမံအုပ်ချုပ်ရေးကောင်စီ ဥက္ကဋ္ဌ  ဦးဇော်လင်းထွန်းက သာသနာ​ရေးဆိုင်ရာများ​ လျှောက်ထားခဲ့သည်။ ဆက်လက်၍ ပေါင်မြို့နယ် ဗုဒ္ဓဘာသာကလျာဏ ယုဝအသင်းဥက္ကဋ္ဌ ဦး​ခင်မောင်ဦးက ဆရာ​တော်ကြီးထံ လှူဖွယ်ဝတ္ထုပစ္စည်းများနှင့် ကောင်စီအဖွဲ့ဝင် ဦးအောင်ကြည်သိန်းက ကိုဗစ်-၁၉ ရောဂါ ကာကွယ်​ရေးပစ္စည်းများ​ ပေးအပ် လှူဒါန်းကြသည်။

အဆိုပါသင်တန်းကို မုတ္တမမြ​စေတီ နန်းဦးကျောင်းတိုက်၊ ကြခတ်ငူ​ကျေးရွာနှင့် ဇင်းကျိုက်မြို့တို့တွင် သင်တန်းသား (၅၀) စီဖြင့် ရက်သတ္တပတ် (၇) ရက်ကြာ သင်ကြားပေးမည်ဖြစ်ကြောင်းနှင့် သင်တန်းသား၊ သင်တန်းသူများအနေဖြင့် (၃၈) ဖြာ မင်္ဂလာတရား​တော်များအညီ ယဉ်​ကျေးလိမ္မာ​သော လူ​တော်၊ လူကောင်းများ ဖြစ်လာစေရန် ရည်ရွယ်၍ သင်တန်းဖွင့်လှစ်ရခြင်းဖြစ်​ကြောင်း သိရသည်။

ခရိုင်(ပြန်/ဆက်)