မုဒုံ   ၂၈   မေ

မွန်ပြည်နယ်ဝန်ကြီးချုပ် ဒေါက်တာအေးဇံသည် မုဒုံမြို့နယ်အုပ်ချုပ်ရေးမှူး ဦးသက်ဇော်ဦး၊ မြို့နယ်ကျန်းမာရေးမှူး ဒေါက်တာမြင့်သိန်းဦး၊ မြို့နယ်အဆင့်ဌာနဆိုင်ရာ တာဝန်ရှိသူများနှင့်အတူ မုဒုံမြို့နယ်၊ ဘဲရမ်းကျေးရွာရှိ မိုးကုတ်ဝိပသနာတရားစခန်း၌ နေရပ်ပြန်ပြည်သူများ ထားရှိမည့် ကန့်သတ်သွားလာရေးစခန်းနေရာသို့ ယနေ့နံနက်ပိုင်းက ရောက်ရှိပြီး လှည့်လည်ကြည့်ရှု စစ်ဆေးခဲ့ကြသည်။

မုဒုံမြို့နယ်တွင် အဆိုပါနေရာသည် ဒုတိယအကြိမ် ကန့်သတ်သွားလာရေးစခန်းအဖြစ် ထားရှိမည်ဖြစ်ပြီး နေရပ်ပြန်ပြည်သူ (၂၀ဝ)ဦး ထားရှိမည်ဖြစ်ကြောင်း၊ ထိုနေရပ်ပြန်ပြည်သူ (၂၀ဝ)ဦးတို့သည် ပထမအကြိမ် ကျန်းမာရေးစစ်ဆေးထားပြီး နောက်(၁၀)ရက်အကြာတွင် ဒုတိယအကြိမ် ကျန်းမာရေးထပ်မံစစ်ဆေးမည်ဖြစ်ကြေင်း၊ ကျန်းမာရေးကောင်းမွန်သူများကို (၂၁)ရက်ကြာနေထိုင်ပြီး ကျန်(၇)ရက်ကို Home Quarantine နေရမည်ဖြစ်ကြောင်း သိရသည်။ 

အဆိုပါနေရာ၌ အသုံးပြုနိုင်ရန် အဝတ်နှာခေါင်းစည်းအခုရေ (၄၀ဝ)၊ လက်သန့်ဆေးရည် Hand Rub (၂၀ဝ)ဘူးတို့ကို မေတ္တာစံအိမ် (Day Care Family) အသင်းမှ ပေးအပ်လှူဒါန်း၍ ဝန်ကြီးချုပ်က လက်ခံရယူပြီး ဝန်ကြီးချုပ်က လိုအပ်သည်များကို ဖြည့်ဆည်းပေးခဲ့ကြောင်း သိရသည်။

အောင်မျိုးသူ(ပြန်/ဆက်)