ကျိုက်ထို ၂၄ ဖေဖော်ဝါရီ
ကျိုက်ထိုမြို့နယ် မရမ်းချောင်းကျေးရွာ၌ ဖွင့်လှစ်ထားသည့် မရမ်းချောင် အမြဲတမ်း စစ်ဆေးရေးစခန်းမှ တရားမဝင် ကုန်သွယ်မှုလုပ်ငန်းများကို ၂၄ နာရီပတ်လုံး ပူးပေါင်းအဖွဲ့ဝင်များက စစ်ဆေးတားဆီးလျက်ရှိရာ ဖေဖော်ဝါရီ ၂၁ ရက် ညနေပိုင်းတွင် တရားမဝင် သယ်ဆောင်လာသည့် ငါးများကို စစ်ဆေးတွေ့ရှိရ၍ သိမ်းဆည်းကာ ဖေဖော်ဝါရီ ၂၂ ရက် နံနက် ၉ နာရီတွင် အကောက်ခွန် လက်ထောက်ညွှန်ကြားရေးမှူး ဦးသိန်းထွန်းဝင်း၊ ဦးစီးအရာရှိ ဦးကျော်ဇေယျ၊ ကုန်သွယ်ရေးဌာနမှ လက်ထောက်ညွှန်ကြားရေးမှူး ဦးချိုထွေး၊ မြန်မာနိုင်ငံ ရဲတပ်ဖွဲ့မှ ဒုတိယရဲမှူး ထွန်းနိုင်ထွေးနှင့် ဌာနဆိုင်ရာ ပူးပေါင်းအဖွဲ့ဝင်များက တရားမဝင် သယ်ဆောင်လာသည့် ငါးများကို ဖျက်ဆီးခဲ့ကြောင်း သိရသည်။
ဖျက်ဆီးခဲ့သည့် ငါးများမှာ Assorted Fish ငါးများဖြစ်ပြီး စုစုပေါင်းတန်ဖိုး ကျပ် ၅၈၂၄၀ဝ၀ ခန့်ရှိကြောင်း သိရှိရသည်။
ဝင်းမောင်(ကျိုက်ထို)
