မုံရွာ ၁၄ စက်တင်ဘာ
စစ်ကိုင်းတိုင်းဒေသကြီး မုံရွာခရိုင် မုံရွာမြို့ ဗုဒ္ဓအရိပ် မျက်စိအလှူတော်အသင်းမှ မျက်စိအထူးကု ဆရာဝန် ဆရာမကြီးများပါဝင်သည့် အဖွဲ့သည် ယနေ့နံနက် ၇ နာရီမှ စတင်၍ ဆားလင်းကြီးမြို့နယ်အတွင်းရှိ မျက်စိဝေဒနာခံစားနေရသော ဒေသခံပြည်သူများအား ဆားလင်းကြီးမြို့ မြို့လယ်သာသနာ့ဗိမာန် အရုဏ်တော် ဘုံဆွမ်းလောင်းလှူအသင်း၌ အခမဲ့စမ်းသပ်ခွဲစိတ်ခြင်းများဆောင်ရွက်လျက်ရှိကြောင်း သိရှိရသည်။
ဆားလင်းကြီးမြို့နယ်အတွင်းရှိ မျက်စိဝေဒနာရှင် ၃၁၀ ဦးအား အခမဲ့စမ်းသပ်ခွဲစိတ် ဆောင်ရွက်ပေးသွားမည်ဖြစ်ကြောင်းနှင့် အကြောင်းအမျိုးမျိုးကြောင့် မုံရွာမြို့သို့သွားရောက်ကုသမှု မပြုလုပ်နိုင်ကြသော မျက်စိဝေဒနာရှင် ဒေသခံပြည်သူများကလည်း ဝမ်းသာလျက်ရှိကြောင်း သိရသည်။
ဦးငယ် (ဆားလင်းကြီး)
