မဘိမ်း စက်တင်ဘာ ၂၃
ရှမ်းပြည်နယ်(မြောက်ပိုင်း)၊ မိုးမိတ်ခရိုင်၊ မဘိမ်းမြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာနက ကျေးလက်နေ ပြည်သူများ သောက်သုံးရေဖူလုံစွာရရှိစေရန်ရည်ရွယ် ၂၀၂၀-၂၀၂၁ခုဘဏ္ဍာရေးနှစ် ခွင့်ပြုရန်ပုံငွေဖြင့် အကောင်အထည်ဖော်ဆောင်ရွက်သည့် မယ်ဇလီကျေးရွာအုပ်စု၊ မယ်ဇလီကျေးရွာ၌ စက်ရေတွင်းတူးဖော်ခြင်းနှင့် ဆက်စပ်လုပ်ငန်းများ ဆောင်ရွက် ပြီးစီးမှုအခြေအနေများကို စက်တင်ဘာလ ၂၂ ရက် မွန်းလွဲပိုင်းက တာဝန်ရှိသူများ ကွင်းဆင်းစစ်ဆေးခဲ့ကြောင်းသိရသည်။
အဆိုပါကျေးရွာ သောက်သုံးရေရရှိရေးလုပ်ငန်းကို ၂၀၂၀-၂၀၂၁ခု ဘဏ္ဍာနှစ် ရှမ်းပြည်နယ် အစိုးရအဖွဲ့၏ ခွင့်ပြုရန်ပုံငွေ ၁၁ သန်းဖြင့် အနက်ပေ ၄၀၀ ရှိလေးလက်မစက်ရေတွင်းတူးဖော်ခြင်း၊ ဂါလန် ၂၀၀၀ဆံ့ ရေအုတ်ကန်တည်ဆောက်ခြင်း၊ အလျား ၁၀ ပေ၊ အနံ ၈ ပေ၊ အမြင့် ၈ ပေရှိ ရေစက်ရုံတည်ဆောက်ခြင်းလုပ်ငန်းများကို ဆောင်ရွက်ပေးခဲ့ကြောင်း၊ အဆိုပါကျေးရွာရှိ အိမ်ခြေ ၂၃၅ အိမ်၊ လူဦးရေ ၁၁၀၇ ဦးနှင့် ကျွဲ၊ နွား တိရစာ္ဆန်များ သောက်သုံးရေဖူလုံစွာရရှိရေးအတွက် အကျိုးပြုလျက်ရှိ ကြောင်း မဘိမ်းမြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာန မြို့နယ်ဦးစီးမှူး ဦးနိုင်ထက်အောင်က ပြောသည်။
စိုးမိုးကျော်
