နေပြည်တော် ဩဂုတ် ၁၅

ပညာရေးဝန်ကြီးဌာန Naypyitaw State Academy ၏ အမှတ်စဉ်(၂) ရှေးဦးပြုစုခြင်း (အခြေခံ)သင်တန်းဆင်းပွဲအခမ်းအနားကို ယနေ့မွန်းလွဲပိုင်းတွင် အဆိုပါတက္ကသိုလ်ရှိ ဘက်စုံ ခန်းမ၌ကျင်းပရာ Naypyitaw State Academy ၏ ဒုတိယပါမောက္ခချုပ် ဒေါက်တာ စိုးစိုးအောင်၊ ပါမောက္ခ (ဌာနမှူး)များ၊ ပါမောက္ခများ၊ ဆရာ ဆရာမများ၊ သင်တန်းနည်းပြနှင့် သင်တန်းသား သင်တန်းသူများ၊ ကျောင်းသား ကျောင်းသူများ တက်ရောက်ကြသည်။

ဦးစွာ အမှတ်စဉ်(၂) ရှေးဦးပြုစုခြင်း(အခြေခံ) သင်တန်းသားများက “ကမ္ဘာကသိပြီ ဒို့ကြက်ခြေနီ” သီချင်းဖြင့် အခမ်းအနားကို သီဆိုဖွင့်လှစ်ပေးကြပြီး Naypyitaw State Academy ၏ ဒုတိယပါမောက္ခချုပ် ဒေါက်တာစိုးစိုးအောင်က သင်တန်းဖွင့်လှစ်ရခြင်း၏ ရည်ရွယ်ချက်ကို ပြောကြားသည်။

ဆက်လက်၍ နေပြည်တော် ကြက်ခြေနီကြီးကြပ်မှုကော်မတီဥက္ကဋ္ဌ ဦးအောင်ချိုက အမှာစကားပြောကြားကာ သင်တန်းသားများက စုပေါင်း၍ ရှေးဦးပြုစုနည်း သရုပ်ပြသကြသည်။

ထို့နောက် ဇမ္ဗူသီရိမြို့နယ် ကြက်ခြေနီသူနာပြုတပ်ဖွဲ့မှူး ဦးကျော်ကျော်‌အောင် က သင်တန်းသားများထံ သင်တန်းဆင်းလက်မှတ်များကို လည်းကောင်း၊ ကြက်ခြေနီ ဗဟို ကောင်စီဝင် ဒေါ်မေကျော်၊ နေပြည်တော် ကြက်ခြေနီကြီးကြပ်မှုကော်မတီ ဒုတိယဥက္ကဋ္ဌ ဒေါက်ဖြူဖြူမြင့်၊ နေပြည်တော် ကြက်ခြေနီကြီးကြပ်မှုကော်မတီဥက္ကဋ္ဌ ဦးအောင်ချိုနှင့် Naypyitaw State Academy ၏ ဒုတိယပါမောက္ခချုပ် ဒေါက်တာစိုးစိုးအောင်တို့က ထူးချွန်ဆု ရရှိသူများထံ ထူးချွန်ဆုများကိုလည်းကောင်း၊ Naypyitaw State Academy ကြက်ခြေနီ အသင်းခွဲဥက္ကဋ္ဌက သင်တန်းနည်းပြဆရာ၊ ဆရာမများထံ ဂုဏ်ပြုလက်ဆောင်များကိုလည်း ကောင်း ပေးအပ်ချီးမြှင့်ကြသည်။

ယင်းနောက် အမှတ်စဉ်(၂) ရှေးဦးပြုစုခြင်း(အခြေခံ) သင်တန်းသားများက “အများ အတွက် ကြက်ခြေနီ” သီချင်းကိုသီဆို၍ အခမ်းအနားကို အောင်မြင်စွာရုပ်သိမ်းလိုက်ကြောင်း သတင်းရရှိသည်။

သတင်းစဉ်