နောင်ချို ဧပြီ ၂၂
ရှမ်းပြည်နယ် (မြောက်ပိုင်း) ကျောက်မဲခရိုင်၊ နောင်ချိုမြို့နယ် စျေးရပ်ကွက်ဓမ္မာရုံ၌ မြန်မာနိုင်ငံ ကြက်ခြေနီအသင်း ရှေးဦးပြုစုခြင်း အခြေခံသင်တန်း အမှတ်စဉ် (၁/၂၀၂၂)ကို ယနေ့နံနက် နံနက်ပိုင်းက ဖွင့်လှစ်ခဲ့သည်။
သင်တန်းဖွင့်ပွဲတွင် ရှေးဦးပြုစုခြင်း အခြေခံသင်တန်းသည် အိမ်တိုင်းအိမ်တိုင်း တက်ရောက်သင့်ကြောင်း၊ မိသားစု တစ်စုတွင် အနည်းဆုံးတစ်ဦး ရှေးဦးပြုစုခြင်းကို အခြေခံ တတ်ထားသင့်ကြောင့် မိမိ၏ မိသားစုသာမက ပတ်ဝန်းကျင်ကိုပါ ကူညီစောင့်ရှောက်နိုင်ကြောင်း ” ကျောက်မဲခရိုင် ကြက်ခြေနီသူနာပြုတပ်ဖွဲ့မှူး ဦးမောင်မောင်သိန်းက ပြောကြားခဲ့သည်။
သင်တန်းသို့ သင်တန်းသား၊သင်တန်းသူ ၃၀ တက်ရောက်ခဲ့ပြီး သင်တန်းကာလမှာ ၃ရက်ကြာမြင့် မည်ဖြစ်ကြောင်း သိရသည်။
ထွေးငယ်(ပြန်/ဆက်)