နေပြည်တော် ၂၄ မေ
ကချင်ပြည်နယ်၊ မြစ်ကြီးနားခရိုင် မြစ်ကြီးနားမြို့နယ်၊ မြစ်ကြီးနားမိုးကောင်းကားလမ်းတွင် သုံးဘီး ဆိုင်ကယ်/ကား၊ သရီးကရောင်းကားပေါ်မှ တရားမဝင် ကညင်/ခလောင်ခွဲ (၄ ဒသမ ၉၂၄၆) တန်၊ ချင်းပြည်နယ်၊ ဆီးယင်းကြိုးဝိုင်းအကွက် (၁၃၆)၊ ခိုင်ကမ်း - ဒေါ်လွင် ကားလမ်းတွင် တရားမဝင် ကျွန်း/ပျဉ်းကတိုး/အင်ခွဲသားဆိုဒ်စုံ (၁ ဒသမ ၅၁၅၀) တန်၊ ကျွန်းပကာခြမ်း (၁ ဒသမ ၂၆၇၂) တန်၊ နေပြည်တော်ကောင်စီနယ်မြေ၊ ဉတ္တရခရိုင်၊ ဉတ္တရသီရိမြို့နယ်၊ ညောင်လူးကျေးရွာ အရှေ့ မြောက်ဘက်၊ သိမ်ချောင်းတစ်လျှောက်တွင် တရားမဝင် သစ်အယ်/သပြေ/တောင်ပရုတ်/ သင်္ဂဒူ/ မျောက်ငို (၈ ဒသမ ၆၉၂၀)တန်၊ ဧရာဝတီတိုင်းဒေသကြီး၊ ဟင်္သာတခရိုင်၊ လေးမျက်နှာ မြို့နယ်၊ လေးမျက်နှာကြိုးဝိုင်းအကွက်(၄၇)၊(၅၀)အတွင်း တရားမဝင် တောင်သရက်ခွဲသား (၁၆ ဒသမ ၂၄၅၂)တန်တို့အား မေ ၂၁ မှ ၂၃ ရက်အတွင်း ပိုင်ရှင်မဲ့ဖမ်းဆီးရမိခဲ့ပြီး ဆက်စပ်ပတ်သက်သော တရားခံများအား စုံစမ်းရှာဖွေဖော်ထုတ်၍ ဥပဒေနှင့်အညီ ထိရောက်စွာ အရေးယူနိုင်ရေး စီစဉ်ဆောင်ရွက်လျက်ရှိကြောင်း သစ်တောဦးစီးဌာနမှ သိရသည်။
မောင်လူမော်
