နေပြည်တော် ၂၂ မေ
သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာန သစ်တောဦးစီးဌာနသည် တရားမဝင်သစ်နှင့် သစ်တောထွက်ပစ္စည်းများ ရှာဖွေဖော်ထုတ်ဖမ်းဆီးရေးအား ပြည်သူပူးပေါင်းပါဝင်မှုဖြင့် လူထုအခြေပြု စောင့်ကြပ်ကြည့်ရှုသတင်းပို့စနစ် အပါအဝင် နည်းလမ်းမျိုးစုံဖြင့် အကောင်အထည်ဖော် ဆောင်ရွက်လျက်ရှိရာ မေ ၁၃ ရက်မှ ၁၉ ရက်အထိ နေပြည်တော်၊ တိုင်းဒေသကြီး/ ပြည်နယ် သစ်တောဦးစီးဌာနများမှ ပေးပို့လာသည့် စာရင်းများအရ ကျွန်း ၁၂၂ ဒသမ ၃၇၃၃ တန်၊ သစ်မာ ၁၁၄ ဒသမ ၉၅၆၂ တန်နှင့် အခြား ၅၇၆ ဒသမ ၁၂၈၉ တန်၊ စုစုပေါင်း ၈၁၃ ဒသမ ၄၅၈၄ တန်၊ ပြစ်မှုကျူးလွန်သူ ၉၇ ဦးနှင့် ယာဉ်/ယန္တရား ၆၁ စီးတို့ကို ဖမ်းဆီးရမိခဲ့ကြောင်း သိရသည်။
အဆိုပါ ဖမ်းဆီးရမိမှုများတွင် ကချင်ပြည်နယ် မြစ်ကြီးနားခရိုင် မြစ်ကြီးနားမြို့နယ်အတွင်းမှ အခြားသစ် (၅၄)လုံး ၅၄ ဒသမ ဝ၃၀ဝ တန်အား ပိုင်ရှင်မဲ့ဖမ်းဆီးရမိခဲ့ခြင်း ဖြစ်ကြောင်း သစ်တောဉီးစီးဌာနမှ သိရသည်။
မောင်လူမော်
