ငါးသိုင်းချောင်း ၆ မတ်
ဧရာဝတီတိုင်းဒေသကြီး၊ ပုသိမ်ခရိုင်၊ ရေကြည်မြို့နယ်၊ ငါးသိုင်းချောင်းမြို့ ပညာရေးဇုန်နယ်မြေအတွင်း (အထက)ငါးသိုင်းချောင်း၊ (အထက) ကုန်းပြင်နှင့် (အထက)ကမ်းနီဟူ၍ စာစစ်ဌာန(၃)ခုဖွင့်လှစ်ခဲ့ပြီး မတ်လ ၆ ရက်နေ့၌ တက္ကသိုလ်ဝင်တန်းစာမေးပွဲ စတင်ဖြေဆိုလျက် ရှိသည်။
(အထက)ငါးသိုင်းချောင်းစာစစ်ဌာန၌ အထက ငါးသိုင်းချောင်း၊ အထက(ခွဲ) ကွင်းလျားနှင့် ပြင်ပဖြေဆိုသူ စုစုပေါင်း စာရင်းရှိဦးရေ (၇၈၀) ဖြစ်ရာ ယနေ့နံနက်ပိုင်း စာမေးပွဲ ပထမနေ့တွင် ဖြေဆိုသူစုစုပေါင်း (၇၃၂)ဦးသာရှိပြီး ပျက်ကွက်သူ (၄၈)ဦးရှိကြောင်း သိရသည်။
မြို့နယ်အတွင်းရှိ သက်ဆိုင်ရာဌာနဆိုင်ရာမှ တာဝန်ရှိသူများကလည်း ပညာရေးဌာနနှင့် ပူးပေါင်း၍ စာစစ်ဌာနများအလိုက် ကျောင်းသား၊ ကျောင်းသူများ တက္ကသိုလ်ဝင် စာမေးပွဲ လုံခြုံအေးချမ်းစွာ ဖြေဆိုနိုင်ရေး၊ မီးဘေးလုံခြုံရေး၊ ကျန်းမာရေးနှင့် အခြားလိုချက်များကို ပူးပေါင်းဆောင်ရွက်ပေးလျက်ရှိကြောင်း သိရသည်။
စိုးမင်းဦး(ပြန်/ဆက်)
