ခတ္တမန္ဒူ နိုဝင်ဘာ ၅
ယခုနှစ် ပထမ ၁၀ လအတွင်း နီပေါနိုင်ငံသို့ နိုင်ငံခြားခရီးသွား တစ်သန်းနီးပါး လာရောက် လည်ပတ်ကြောင်း နောက်ဆုံးထုတ်ပြန်သောအချက်အလက်များတွင် ဖော်ပြထားသည်။
အောက်တိုဘာလအထိ နီပေါနိုင်ငံသို့ နိုင်ငံခြားခရီးသွားဝင်ရောက်သူအရေအတွက် စုစုပေါင်း ၉၆၀၀၂၂ ဦး ရှိပြီး ယမန်နှစ်အလားတူကာလကထက် ၁၅ ဒသမ ၆၆ ရာခိုင်နှုန်း မြင့်တက်လာ ကြောင်း နိုဝင်ဘာ ၅ ရက်တွင် နီပေါခရီးသွားလုပ်ငန်းဘုတ်အဖွဲ့က ထုတ်ပြန်သော အချက်အလက် အရ သိရသည်။
အောက်တိုဘာတစ်လတည်းတွင် နီပေါနိုင်ငံသို့ နိုင်ငံခြား ခရီးသွားဝင်ရောက်သူ ၁၂၄၃၉၃ဦး ရှိပြီး ယမန်နှစ် အောက်တိုဘာလကထက် ၆ ဒသမ ၀၄ ရာခိုင်နှုန်း မြင့်တက်ခဲ့သည်။ စက်တင်ဘာလ နောက်ဆုံးပတ်က မိုးရွာသွန်းမှု နှင့်ဆက်စပ်သော ဘေးအန္တရာယ်များကြောင့် ခရီးသွားအများစု သည် အောက်တိုဘာလအတွင်း ၎င်းတို့၏ ခရီးစဉ်များကို ဖျက်သိမ်းလိုက်ရသည်ဟု ခရီးသွား လုပ်ငန်းဘုတ်အဖွဲ့ ညွှန်ကြားရေးမှူး မာနီရာဂျီ လာမင်ရှဟာနီ က ဆင်ဟွာသို့ ပြောသည်။
စက်တင်ဘာလနှောင်းပိုင်းတွင် နီပေါနိုင်ငံတစ်ဝန်း မိုးအဆက်မပြတ်ရွာသွန်းမှုများကြောင့် ရေကြီး ရေလျှံမှုနှင့် မြေပြိုကျမှုများဖြစ်ပွားကာ လူပေါင်းရာနှင့်ချီ သေဆုံးမှုဖြစ်ပွားခဲ့သည်။ နီပေါ နိုင်ငံ၌ ခရီးသွားလုပ်ငန်းသည် နိုင်ငံခြားငွေအဓိကရှာဖွေပေးသော လုပ်ငန်းတစ်ခုလည်းဖြစ်သည်။
ဆင်ဟွာ
