ညောင်တုန်း ၁၆ ဇန်နဝါရီ
ဧရာဝတီတိုင်းဒေသကြီး အစိုးရအဖွဲ့၏စီစဉ်မှုဖြင့် ပြန်ကြားရေးနှင့်ပြည်သူ့ဆက်ဆံရေး ဦးစီးဌာန၊ အခြေခံပညာဦးစီးဌာနနှင့် မြို့နယ်စီမံခန့်ခွဲမှုကော်မတီတို့ ပူးပေါင်းကျင်းပသော ညောင်တုန်းမြို့ ကလေးစာပေပွဲတော်ကို ဇန်နဝါရီလ ၁၅ ရက်နေ့မှ ၁၆ ရက်နေ့အထိ ကျင်းပရာ ယနေ့ ကလေးစာပေပွဲတော် (ဒုတိယနေ့)တွင် ပြခန်းများ၌ လာရောက်လေ့လာ ကြည့်ရှု့သူများ ပိုမိုများပြားလျက်ရှိသည်။
အဆိုပါ ပြခန်းများမှာ ထူးချွန်ထင်ရှား ဧရာဝတီတိုင်းသားများပြခန်း၊ အလင်္ကာကျော်စွာ ကာတွန်း ဦးဘဂျမ်း၏ ကာတွန်းလက်ရာများပြခန်း၊ မီးသတ်တပ်ဖွဲ့ပြခန်း၊ ရဲတပ်ဖွဲ့ပြခန်း၊ စည်ပင်သာယာရေး အဖွဲ့ပြခန်းနှင့် ပညာရေးသင်ထောက်ကူပြခန်းတို့အား ပြသထားရာ လူအများ စိတ်ဝင်စားလျက် ရှိကြောင်းသိရသည်။
ဝဠာနိုင်(ညောင်တုန်း)
