ညောင်တုန်း အောက်တိုဘာ ၁၄
ဧရာဝတီတိုင်းဒေသကြီး၊ မအူပင်ခရိုင်၊ ညောင်တုန်းမြို့နယ်တွင် လူမှုဝန်ထမ်းဦးစီးဌာနမှ မြို့နယ်အတွင်းရှိ Volunteer များအတွက် စားစရိတ်နှင့် လူနာတင်ယာဉ် ဆီဖိုးငွေများ ထောက်ပံ့ပေးအပ်ခြင်းကို ယမန်နေ့ မွန်းလွဲ ၃ နာရီက မြို့နယ်အထွေထွေအုပ်ချုပ်ရေးဦးစီးဌာန အစည်းအဝေးခန်းမ၌ ထောက်ပံ့ပေးအပ်ခဲ့သည်။
ထိုသို့ထောက်ပံ့ပေးအပ်ရာတွင် မြို့နယ်စီမံအုပ်ချုပ်ရေးအဖွဲ့ဥက္ကဌနှင့် အဖွဲ့ဝင်များမှ မြို့နယ်အတွင်းရှိ Volunteer တစ်ဦးလျှင် စားစရိတ် တစ်ရက် (၄၀၀၀)ကျပ်နှုန်းဖြင့် Volunteer(၁၄၉)ဦးအား ရက်ပေါင်း(၃၀)အတွက် ငွေကျပ်(၁၇၈၈၀၀၀၀)နှင့် လူနာတင်ယာဉ်တစ်စီးအတွက် ဆီဖိုးငွေ(၄၂၀၀)ကျပ်နှုန်းဖြင့် ပရဟိတအဖွဲ့(၄)ဖွဲ့မှ လူနာတင်ယာဉ်(၄)စီးအား ရက်ပေါင်း(၃၀)အတွက် ငွေကျပ်(၁၈၃၈၄၀၀၀)ကို ထောက်ပံ့ပေးအပ်ခဲ့ကြောင်း သိရသည်။
အခန်းအနားသို့ မြို့နယ်စီမံအုပ်ချုပ်ရေးအဖွဲ့ဥက္ကဌနှင့် အဖွဲ့ဝင်များ၊ ရပ်ကွက်အုပ်ချုပ်ရေးမှူးများ၊ ပရဟိတအဖွဲ့ (၈)ဖွဲ့များမှတာဝန်ရှိသူများ စုစုပေါင်း၃၀ တက်ရောက်ခဲ့ပြီး “အကြမ်းဖက်မှုများတွင် ကလေးဘဝမနစ်မွန်းစေရေး အားလုံးဝိုင်းဝန်းကူညီဆောင်ရွက်ပေး” လက်ကမ်းစာစောင်များ ဖြန့်ဝေခဲ့ကြောင်း သိရသည်။
မြို့နယ်(ပြန်ဆက်)
