မင်းလှ ၁၁ ဇန်နဝါရီ
ပဲခူးတိုင်းဒေသကြီး၊ မင်းလှမြို့နယ်၊ ညောင်ဝန်းအုပ်စု၊ ညောင်ဝန်းဘုန်းတော်ကြီးကျောင်း၌ အမှတ်စဉ်(၇)/မင်းလှ (ဝ၃၅)ဓမ္မစကူးလ် ကျောင်းတော်သစ်ဖွင့်ပွဲ အခမ်းအနားကို ဇန်နဝါရီ ၁၁ ရက် နံနက် ၉ နာရီက ကျင်းပပြုလုပ်သည်။
ရှေးဦးစွာ မြို့နယ်ဓမ္မစကူးလ် နာယကဆရာတော်များ၊ ဥက္ကဌ ဆရာတော်နှင့်အဖွဲ့ဝင်ဆရာတော်များက အမှတ်စဉ် (၇)/မင်းလှ (ဝ၃၅)ဓမ္မစကူးလ်ကျောင်းတော်သစ် ဆိုင်းဘုတ်အား ဖဲကြိုးဖြတ်ဖွင့်လှစ်ပေးခဲ့သည်။
ဓမ္မစကူးလ်ကျောင်းတော်သစ်ဖွင့်ပွဲတွင် မြို့နယ်ဓမ္မစကူးလ် နာယကဆရာတော်ဦးဝိမလက ဩဝါဒစကားများ ပြောကြားသည်။ မြို့နယ်ဓမ္မစကူးလ်ဥက္ကဌဆရာတော် ဒေါက်တာရာဇဓမ္မက ကျောင်းတော်များ တိုးပွား ကျယ်ပြန့်လာအောင် ဆောင်ရွက်ကြရန်နှင့် မိမိဘာသာကို တန်ဖိုးထားတတ်လာပြီး ယဉ်ကျေးလိမ္မာသော ကလေးငယ်များ ပေါ်ထွက်လာအောင်သင်ကြားမွေးထုတ်ပေးရန်ပြောကြားသည်။
အဆိုပါ ညောင်ဝန်းကျောင်းတော်သစ်ကို ဆရာတော်ဦးပဣိတ ဦးဆောင်၍ ဓမ္မစကူးလ်ဆရာဆရာမ(၇)ဦးက ကလေးငယ်(၁၂၀)ဦးအား သင်ကြားပေးသွားမည်ဖြစ်ကြောင်းသိရသည်။
မင်းလှမြို့နယ်လုံးတွင် ဘာသာ သာသနာအဓွန့်ရှည် တည်တံ့ခိုင်မြဲရေးအတွက် ဓမ္မစကူးလ်ကျောင်းပေါင်း(၃၅) ကျောင်းဖွင့်လှစ်နိုင်ခဲ့ပြီဖြစ်ကြောင်း သိရသည်။
ပေါက်စ(မင်းလှ)
