ဆင်ပေါင်ဝဲ ၊ ၁၁  ဒီဇင်ဘာ

မကွေးတိုင်းဒေသကြီး ၊ သရက်ခရိုင်  ၊ ဆင်ပေါင်ဝဲမြို့နယ် ပြန်ကြားရေးနှင့်ပြည်သူ့ဆက်ဆံရေး ဦးစီးဌာနမှ OnLine မှတစ်ဆင့်  ကလေးသူငယ် ကာကွယ်ရေး အသိပညာပေးဆွေးနွေးပွဲကို  ဒီဇင်ဘာ ၁၁ ရက်နေ့ နံနက်ပိုင်းက ဆင်ပေါင်ဝဲမြို့  ပြန်ကြားရေးနှင့်ပြည်သူ့ဆက်ဆံရေး ဦးစီးဌာနရုံးခန်းမ၌ ကျင်းပခဲ့သည်။

အဆိုပါ အခမ်းအနားတွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာန မြို့နယ်ဦးစီးမှူး ဒေါ်ချိုချိုဝင်းက OnLine  မှ တစ်ဆင့်  အသိပညာပေးဆွေးနွေးပွဲပြုလုပ်ရခြင်း၏ ရည်ရွယ်ချက်များကို ပြောကြားပြီး ၊ မြို့နယ် Good Neighbors InternationaL Myanmar ( ဆင်ပေါင်ဝဲ ) စီမံချက်တာဝန်ခံ ဦးသန်းလင်းအောင်က ကလေးသူငယ်တွေ ဘဝလုံခြုံ စိတ်ချမှုရှိစေဖို့ ၊အသက် (၁၈) နှစ်မပြည့်သေးသော သူများကို ကလေးသူငယ်ဟု ခေါ်ဆိုကြောင်း၊ ကလေးသူငယ်များအား လွဲမှားစွာပြုမူခြင်း ၊ လျစ်လျူရှု့ခြင်း ၊ ခေါင်းပုံဖြတ် အမြတ်ထုတ်ခြင်း  နှင့်  အကြမ်းဖက်ခြင်း စသည့် အန္တရာယ်များမှ ကာကွယ်စောင့်ရှောက်ခြင်း ၊ ကလေးသူငယ်အခွင့်အရေး၏  အဓိက အမျိုးအစား လေးမျိုးရှိကြောင်း ကလေးသူငယ်နှင့် ပတ်သက်သည့် ပြသနာများ ဖြစ်ပေါ်လာပါက သက်ဆိုင်ရာ ရပ်ကွက်/ကျေးရွာ အုပ်ချုပ်ရေးမှူးများထံသို့   သတင်းပို့ဆက်သွယ်တိုင်ကြားခြင်းဖြင့်   ပူးပေါင်း ပါဝင်ကြရန် ပြောကြားပြီးယခု Online မှတစ်ဆင့် ကလေး သူငယ်ကာကွယ်ရေး အသိပညာပေး ဆွေးနွေးပွဲကို  ဆင်ပေါင်ဝဲမြို့နယ် ပြည်သူ့စာကြည့်တိုက် Facebook Page တွင် ထုတ်လွှင့်တင်ဆက် ပေးသွားမည်ဖြစ်ကြောင်း သိရသည်။

ချိုချိုဝင်း(ပြန်/ဆက်)