ဇွန် ၉
ပါကစ္စတန်နိုင်ငံ၏ အနောက်မြောက်ဘက် ခီဘာပါ့ထန်ဟွာပြည်နယ်တွင် ယမန်နေ့က ခရီးသည်တင်ယာဉ်တစ်စီး ချောက်နက်ထဲသို့ထိုးကျခဲ့သဖြင့် ရှစ်ဦးထက်မနည်းသေဆုံးခဲ့ပြီး အခြား ၁၂ ဦး ဒဏ်ရာရရှိခဲ့ကြောင်း ကယ်ဆယ်ရေးအဖွဲ့ကပြောကြားသည်။
ဒေသခံများနှင့်ကယ်ဆယ်ရေးအဖွဲ့က ယာဉ်မတော်တဆမှုဖြစ်ပွားရာနေရာသို့ ရောက်ရှိခဲ့ပြီး ဒဏ်ရာရရှိသူများကို ဆေးရုံသို့ပို့ဆောင်ပေးခဲ့သည်ဟု သိရသည်။
ထိုမတော်တဆမှုဖြစ်ပွားသောယာဉ်ပေါ်တွင် ကားသမားအပါအဝင် လူ ၂၀ လိုက်ပါလာခြင်းဖြစ်ကြောင်း ကယ်ဆယ်ရေးအဖွဲ့က ပြောကြားသည်။
ဒေသတွင်းရဲတပ်ဖွဲ့က ယာဉ်မတော်တဆမှုဖြစ်ပွားခြင်းနှင့်ပတ်သက်ပြီး စုံစမ်းစစ်ဆေးမှုစတင်လုပ်ဆောင်နေသည်ဟု သိရသည်။
ကိုးကား-ဆင်ဟွာ
ဘာသာပြန်-မြင့်မြင့်ချို
