မကွေး ၁၇ ဇူလိုင်

အသေးစား၊ အငယ်စား ၊ အလတ်စား စီးပွားရေးလုပ်ငန်းများ ဖွံ့ဖြိုးတိုးတက်ရေးကို ရည်ရွယ်ပြီး မကွေးတိုင်းဒေသကြီး MSMEs Agency နှင့် စက်မှုဇုန်ဖွံ့ ဖြိုးတိုးတက်ရေး ဦးစီးကော်မတီတို့ ပူးပေါင်း၍ MSMEs CONNECT 2019 (Magway) ကို ပခုက္ကူမြို့ရှိ ပခုက္ကူခရိုင် အားကစားကွင်း၌ ဇူလိုင် ၂၀ ရက်၊ ၂၁ ရက်၊ ၂၂ ရက်တို့တွင် ကျင်းပမည်ဖြစ်ရာ အနယ်နယ်အရပ်ရပ်မှ စီးပွားရေးလုပ်ငန်း ရှင်များ လာရောက်ပြသရောင်းချပြီး စိတ်ဝင်စားဖွယ်ရာ အစီအစဉ်များတွင် ပူးပေါင်းပါဝင် ချိတ်ဆက်မှုများ ပြုလုပနိုင်ကြောင်း သိရသည်။

အဆိုပါ ပြပွဲအထိမ်းအမှတ်အဖြစ် ဇူလိုင် ၂၀ ရက်တွင် ဆရာ အော်ပီကျယ်၊ ဆရာမ ဂျူး ၊ ဆရာမ မြကြာငုံ (ဒေါက်တာ နီလာသိန်း) တို့၏ စာပေဟာပြောပွဲ ပါဝင်မည်ဖြစ်ကြောင်း သိရသည်။ အဆိုပါ ပွဲတော်အတွင်း မကွေးတိုင်းဒေသကြီး အစိုးရအဖွဲ့က ပါဝင်ပြသသည့် ပြခန်းများ၏ ခင်းကျင်း ပြင်ဆင်မှုဆု၊ တီထွင်ဖန်တီး MSME တို့၏ ထုတ်ကုန်ဆုများကို ပေးအပ်မည်ဖြစ်ပြီး စီးပွားရေးပညာရှင်များနှင့် ဟောပြောပွဲလာ စာရေးဆရာသုံးဦးတို့က ပါဝင်အကဲဖြတ် ရွေးချယ်မည်ဖြစ်ကြောင်း သိရသည်။

သတင်းစဉ်