ပန်ဆိုင်း ၁၅ ဇန်နဝါရီ
မူဆယ်ခရိုင်၊ ပန်ဆိုင်း(ကြူကုတ်)မြို့တွင် ကျောင်းသား၊ ကျောင်းသူများ ဉာဏ်ရည်ရည်သွေး ပိုမိုထက်မြတ်လာစေရန်၊ အတွေးအခေါ်များ ပိုမိုရင့်သန်လာစေရန်၊ စာအုပ်၊ စာပေများနှင့် ရင်းနှီးကျွမ်းဝင်ပြီး စာဖတ်သည့် အလေ့အကျင့်ကောင်းများ ရရှိလာစေရန် ရည်ရွယ်၍ ယနေ့ မွန်းလွဲ ၂ နာရီတွင် ပန်းဆိုင်း(ကြူကုတ်)မြို့၊ ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ လူထုအခြေပြုဗဟိုဌာန၌ ပြိုင်ပွဲမျိုးစုံ ကျင်းပခဲ့သည်။
အဆိုပါပြိုင်ပွဲများတွင် စာဖတ်ရှိန်မြှင့်တင်နိုင်ရန်အတွက် စာဖတ်စွမ်းရည်ပြိုင်ပွဲကျင်းပပြီး အတွေးအခေါ် ရင့်သန်လာစေရန်အတွက် ဂိမ်းကစားနည်းများကို ကျင်းပပေးခဲ့သည်။ ဆက်လက်ပြီး ဉာဏ်ရည်ဉာဏ်သွေး ပိုမိုထက်မြတ်လာစေရန်အတွက် စိတ်ကြိုက်ဆေးရောင်ခြယ် ပြိုင်ပွဲကျင်းပခဲ့ပြီး ပြိုင်ပွဲဝင် ကျောင်းသား၊ ကျောင်းသူများကို အမှတ်တရ လက်ဆောင်များ ပေးအပ်ချီးမြှင့်ခဲ့ကြောင်း သိရသည်။
သန်းမိုးခိုင်(ပြန်/ဆက်)
