ပင်လည်ဘူး ၂၀ စက်တင်ဘာ
စစ်ကိုင်းတိုင်းဒေသကြီး ကသာခရိုင် ပင်လည်ဘူးမြို့၌ သားငါးကဏ္ဍများ ဖွံ့ဖြိုးတိုးတက်စေရန်၊ ငါးသယံဇာတများတိုးပွားစေရန်၊ မြစ်ချောင်းများအတွင်း ငါးမျိုးများမျိုးသုံးပျောက်ကွယ်မသွားစေရန်၊ စားသုံးသူများ အဆင်ပြေစွာဖြင့် အလွယ်တကူရှာဖွေ စားသုံးနိုင်ရန်အတွက် မြို့နယ်ငါးလုပ်ငန်းဦးစီးဌာနက မူးမြစ်အတွင်း ငါးမျိုးစိုက်ထည့်ခြင်း အခမ်းအနားကို ယနေ့နံနက် ၈ နာရီအချိန်တွင် ပင်လည်ဘူးမြို့ ဆိပ်တော်ကြီးဆိပ်ကမ်းနံဘေး မူးမြစ်ချောင်းအတွင်းသို့ ငါးသားပေါက်များ စိုက်ထည့်ခဲ့ကြကြောင်း သိရသည်။
အဆိုပါ ငါးမျိုးများစိုက်ထည့်ရာတွင် ငါးမြစ်ချင်း ငါးသားပေါက် အကောင်(၇၅၀ဝ၀)၊ ငါးခုံးမကြီး ငါးသားပေါက်အကောင် (၁၅၀ဝ၀)၊ ရွှေဝါငါးကြင်း ငါးသားပေါက်အကောင် (၁၀ဝ၀ဝ) စုစုပေါင်းငါးသားပေါက် ကောင်ရေ (၁၀ဝ၀ဝ၀)အား မူးမြစ်ချောင်းအတွင်းသို့ စိုက်ထည့်ခဲ့ကြသည်။
မူးမြစ်ချောင်းအတွင်းငါးမျိုးစိုက်ထည့်ရာသို့ ဒုတိယမြို့နယ် အုပ်ချုပ်ရေးမှူး ဦးရန်ခိုင်စိုး၊ လွှတ်တော်ကိုယ် စားလှယ်များရုံးမှ တာဝန်ရှိသူများ၊ မြို့နယ်ဌာနဆိုင်ရာများ၊ မြို့နယ်ငါးလုပ်ငန်းဦးစီးဌာန မြို့နယ်တာဝန်ခံ ဒေါ်ခက်ခက်ဝေနှင့်ဝန်ထမ်းများ၊ကျောင်းသားကျောင်းသူများ တက်ရောက်ကာ မူးမြစ်ချောင်း အတွင်းသို့ ငါးသားပေါက်များ စုပေါင်းစိုက်ထည့်ခဲ့ကြကြောင်း သိရသည်။
မျိုးလွင်(ပင်လည်ဘူး)
