ပြင်ဦးလွင် မတ် ၅
ပြင်ဦးလွင် ခရိုင်/မြို့နယ် အားကစားနှင့် ကာယပညာဦးစီးဌာနနှင့် အားကစားနှင့် ကာယပညာဆပ်ကော်မတီတို့ ပူးပေါင်းဖွင့်လှစ်သော နွေရာသီအခြေခံအားကစားသင်တန်းဖွင့်ပွဲကို ယနေ့ နံနက်ပိုင်းက ပြင်ဦးလွင်ခရိုင် အားကစားကွင်းအတွင်း၌ ကျင်းပသည်။
ထောက်ပံ့လှူဒါန်း
ဦးစွာ ပြင်ဦးလွင်ခရိုင်စီမံခန့်ခွဲရေးနှင့် အုပ်ချုပ်ရေးကော်မတီဥက္ကဋ္ဌ ဦးရဲထူးက သင်တန်းဖွင့်ရခြင်း၏ ရည်ရွယ်ချက်ကို ရှင်းလင်းပြောကြားသည်။ ထို့နောက် အလှူရှင်များက တာဝန်ရှိသူများထံသို့ အားကစားပစ္စည်းများ ထောက်ပံ့လှူဒါန်းခြင်းနှင့် ဂုဏ်ပြုမှတ်တမ်းလွှာများ အသီးသီးပြန်လည် ပေးအပ်ကြသည်။
အဆိုပါသင်တန်းကို မတ် ၅ ရက်မှ ၃၁ ရက်အထိ ဘောလုံး၊ ပြေးခုန်ပစ်၊ ပိုက်ကျော်ခြင်း၊ စားပွဲ တင်တင်းနစ်၊ Ground တင်းနစ်၊ စစ်တုရင်၊ တိုက်ကွမ်ဒို၊ မြန်မာ့သိုင်း၊ လက်ဝှေ့၊ ကရာတေး၊ ဘတ်စကက်ဘောနှင့် ရိုးရာခြင်း စသည့် အားကစားအမျိုးအစား ၁၂ မျိုးကို သင်ကြားပို့ချသွားမည်ဖြစ်ကြောင်း သိရသည်။
ခရိုင်(ပြန်/ဆက်)
