နေပြည်တော် ဧပြီ ၁၅  

မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့သည် ဧပြီ ၁၄ ရက် မွန်းလွဲပိုင်းတွင် ပြင်ဦးလွင်မြို့နယ်၊ ဝက်ဝံကျေးရွာအုပ်စု၊ ဝက်ဝံကျေးရွာအနီးတွင် AD Van အမျိုးအစား ခရီးသည်တင်မော်တော်ယာဉ်ကို ရပ်တန့်စစ်ဆေးရှာဖွေရာ ယာဉ်ပေါ်ပါခရီးသည် ကျော်မျိုးသွင် (ခ)ဖိုးခွား သယ်ဆောင်လာသည့် စိတ်ပြောင်းဆေးဝါး Happy Water ၁ ဒသမ ၈၅ ကီလို ငွေကျပ်သိန်း ၂,၂၂၀ တန်ဖိုးရှိ စိတ်ပြောင်းဆေးဝါးများ ဖမ်းဆီးရမိခဲ့ကြောင်း၊ ဧပြီ ၁၃ ရက် ညနေပိုင်းတွင်  ပြည်ကြီးတံခွန်မြို့နယ်၊  (ဃ)ရပ်ကွက်၊ ၅၉(D)လမ်း၊ ၁၁၅ x ၁၁၆ လမ်းကြားရှိ အောင်ဇော်(ခ)ချွမ်ဆုန့်မင့် ၏ နေအိမ်ကို သတင်းအရ ရှာဖွေရာ စိတ်ပြောင်းဆေးဝါး ကက်တမင်း ၂ ဒသမ ၂၃ ကီလို၊ Happy Water ၅ ဒသမ ၁၁၅ ကီလိုနှင့် Ecstasy ဆေးပြား ၉၉၀ စုစုပေါင်း ငွေကျပ် ၇,၄၀၁ သိန်းတန်ဖိုးရှိ စိတ်ပြောင်းဆေးဝါးများကို သိမ်းဆည်း ရမိခဲ့သဖြင့် ၎င်းတို့အား မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများဆိုင်ရာဥပဒေအရ  အရေးယူထားကြောင်း သိရသည်။

(ရဲပြန်ကြား)