ဘားအံ ၂ ဧပြီ
ကရင်ပြည်နယ်အတွင်းရှိ မြန်မာ့စီးပွားရေးဘဏ်များတွင် ပင်စင်လာရောက်ထုတ်ယူသူများ များပြားသည့် အားလျှော်စွာ ကိုဗစ်-၁၉ ရောဂါကာကွယ်ရေး၊ ကူးစက်ပြန့်ပွားမှုမရှိ စေရေးအတွက် ကြိုတင်စီစဉ်ဆောင်ရွက်မှုများကို သက်ဆိုင်ရာ ဌာနအဖွဲ့အစည်းများနှင့် နေ့စဉ်ဆောင်ရွက်လျက်ရှိကြောင်း သိရသည်။
ကရင်ပြည်နယ်အတွင်း ဘားအံခရိုင်ဘဏ်ခွဲ၊ မြဝတီခရိုင်ဘဏ်ခွဲ၊ ကော့ကရိတ်မြို့နယ်ဘဏ်ခွဲ၊ လှိုင်းဘွဲမြို့နယ် ဘဏ်ခွဲ၊ ကြာအင်းဆိပ်ကြီးမြို့နယ်ဘဏ်ခွဲ၊ ဖာပွန်မြို့နယ်ဘဏ်ခွဲ၊ သံတောင်ကြီးမြို့နယ်ဘဏ်ခွဲနှင့် သံတောင်မြို့ဘဏ်ခွဲများတွင် ပင်စင်လာရောက်ထုတ်ယူသည့် အငြိမ်းစားဝန်ထမ်းများ၊ပြည်သူများ၊ ဘဏ်ဝန်ထမ်းများအတွက် ကိုဗစ်-၁၉ ရောဂါ ကာကွယ်ရေး၊ ကူးစက်ပြန့်ပွားမှု မရှိ်စေရေးအတွက် စနစ်တကျလက်ဆေးခြင်းအသိပညာပေး၍ Hand Gel အသုံးပြုကာ လက်ဆေးဝင်ရောက်စေခြင်း၊ ကျန်းမာဦးစီးဌာနနှင့်ပူးပေါင်း၍ ကျန်းမာရေးစောင့်ရှောင့်မှုများ ဆောင်ရွက်ပေးခြင်း၊ ဘဏ်ဖွင့်ရက် ညနေတိုင်းတွင် မီးသတ်ဦးစီးဌာနနှင့်ပူးပေါင်း၍ ကလိုရင်း ဆေးရည် (ပိုးသတ်ဆေး)များ ပက်ဖြန်းပေးခြင်း၊ ရုံးဝန်ထမ်းများအား Mask နှင့် Hand Gel အသုံးပြုကာကွယ်ခြင်း ကူးစက်ပြန့်ပွားမှုမရှိစေရေးတို့အတွက် စီစဉ် ဆောင်ရွက်ထားကြောင်း သိရသည်။
နေမျိုးလွင် (ပြန်/ဆက်)
